2013 جىلعى 24 ءساۋىر, استانا قالاسى
«قورعالاتىن ايماق جەرلەرىن پايدالانۋدىڭ ولشەمىن, رەجىمىن بەلگىلەۋ جانە جەرلەردى بولىنگەن القاپتاعى تەمىر جول كولىگىنىڭ مۇقتاجدىقتارى ءۇشىن پايدالانۋ جونىندەگى ەرەجەنى بەكىتۋ تۋرالى» قازاقستان رەسپۋبليكاسى كولىك جانە كوممۋنيكاتسيالار ءمينيسترىنىڭ 2004 جىلعى 23 شىلدەدەگى №284-ءى بۇيرىعىنا وزگەرىس ەنگىزۋ تۋرالى
«تەمىر جول كولىگى تۋرالى» قازاقستان رەسپۋبليكاسى زاڭىنىڭ 14-بابى 2-تارماعىنىڭ 26) تارماقشاسىنا سايكەس بۇيىرامىن:
1. «قورعالاتىن ايماق جەرلەرىن پايدالانۋدىڭ ولشەمىن, رەجيمىن بەلگىلەۋ جانە جەرلەردى بولىنگەن القاپتاعى تەمىر جول كولىگىنىڭ مۇقتاجدىقتارى ءۇشىن پايدالانۋ جونىندەگى ەرەجەنى بەكىتۋ تۋرالى» قازاقستان رەسپۋبليكاسى كولىك جانە كوممۋنيكاتسيالار ءمينيسترىنىڭ 2004 جىلعى 23 شىلدەدەگى №284-ءى بۇيرىعىنا (نورماتيۆتىك قۇقىقتىق كەسىمدەردى مەملەكەتتىك تىركەۋ تىزىلىمىندە №2989 بولىپ تىركەلگەن, «زاڭ گازەتى» گازەتىندە 2005 جىلى 18 تامىزدا №87 (711) جاريالانعان) مىناداي وزگەرىس ەنگىزىلسىن:
كورسەتىلگەن بۇيرىقپەن بەكىتىلگەن قورعالاتىن ايماق جەرلەرىن پايدالانۋدىڭ ولشەمىن, رەجيمىن بەلگىلەۋ جانە جەرلەردى بولىنگەن القاپتاعى تەمىر جول كولىگىنىڭ مۇقتاجدىقتارى ءۇشىن پايدالانۋ جونىندەگى ەرەجەدە:
24 - تارماق مىناداي رەداكتسيادا جازىلسىن:
«24. ينجەنەرلىك كوممۋنيكاتسيالاردى, جولوتكەلدەردى, وتپەلەردى, بايلانىس, ەلەكتر بەرۋ, مۇناي-گاز قۇبىرلارىن, سونداي-اق باسقا تەمىر جولداردى كەسىپ وتەتىن وبەكتىلەردى نەمەسە ولاردان تىكەلەي جاقىن جەرلەردە ورنالاسقان قۇرىلىستاردى بولىنگەن بەلدەۋ شەكتەرىندە ورنالاستىرۋ, سالۋ جانە پايدالانۋ شارتتارى مەملەكەتتىك ستاندارتتارعا جانە نورماتيۆتىك قۇقىقتىق اكتىلەرگە سايكەس ولاردىڭ يەلەرى مەن ماگيسترالدىق تەمىر جول جەلىسىنىڭ وپەراتورى, تارماق يەلەنۋشى اراسىنداعى شارتتارمەن بەلگىلەنەدى».
2. قازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ كولىك جانە قاتىناس جولدارى كوميتەتى (ن.ي.قيلىباي):
1) وسى بۇيرىقتى قازاقستان رەسپۋبليكاسى ادىلەت مينيسترلىگىندە زاڭنامادا بەلگىلەنگەن تارتىپپەن مەملەكەتتىك تىركەۋدى;
2) ونىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن بۇقارالىق اقپارات قۇرالدارىندا, ونىڭ ىشىندە قازاقستان رەسپۋبليكاسى كولىك جانە كوممۋنيكاتسيا ءمينيسترىنىڭ ينتەرنەت-رەسۋرسىندا رەسمي جاريالانۋىن جانە ونىڭ قازاقستان رەسپۋبليكاسىنىڭ مەملەكەتتىك ورگاندارىنىڭ ينتەرنەت-پورتالىندا ورنالاستىرىلۋىن قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ كولىك جانە كوممۋنيكاتسيا ۆيتسە-ءمينيسترى ر.ۆ.سكليارعا جۇكتەلسىن.
4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
مينيستر ا.جۇماعاليەۆ.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2013 جىلعى 21 ماۋسىمدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №8522 بولىپ ەنگىزىلدى.
