پاۆلودار قالاسى تكش ءبولىمىنىڭ باس مامانى باعدات جانعۇلوۆانىڭ ايتۋىنشا, بۇگىنگى تاڭدا 60-قا جۋىق اۋلا اۋماعىندا بالالار الاڭدارى ورناتىلۋدا.
- بۇگىنگى كۇنى توعىز اۋلادا تارتان جابىنى بار بالالار الاڭدارى جاسالدى, - دەيدى باعدات جانعۇلوۆا. - قالعان قىرىق ۋچاسكەدە الاڭدى دايىنداۋ جۇمىستارى جۇرگىزىلدى. تۇرعىندار تاراپىنان الاڭ دايىندالعانىمەن, جۇمىستىڭ اياقتالماعانى جايلى كوپتەگەن پىكىرلەر ايتىلىپ جاتىر. بۇل رەتتە, تۇرعىندار بالالار الاڭىن ورناتپاس بۇرىن وسى ۋچاسكەنىڭ كوممۋنالدىق قىزمەتتەرىمەن كەلىسىم بويىنشا جۇمىس جۇرگىزىلەتىنىنە نازار اۋدارعاندارى ءجون. ەگەر جەلىلەر بار بولسا, وندا سايكەسىنشە ويىن الاڭى ول جەردە ورناتىلمايدى. وسىنداي جۇمىستاردان كەيىن عانا بالالار الاڭى قاۋىپسىز جەرگە ورناتىلادى. بۇل ءۇشىن بەلگىلى ءبىر ۋاقىت قاجەت ەكەنىن ەسكەرۋ قاجەت.
