اعىمداعى جىلدىڭ 24-27 شىلدەسى ارالىعىندا باتىس قازاقستان وبلىسىنداعى "سىرىم" فيتوسانيتارلىق باقىلاۋ بەكەتىنە رەسەي فەدەراتسياسىنان كارانتينگە جاتقىزىلعان ءونىم: 10 – استىق, 5 – كارتوپ, 4 – جەمىس, 3 – ليمون, 2 – بانان تيەلگەن 24 اۆتوكولىك كەلگەن.
كارانتيندىك فيتوسانيتارلىق باقىلاۋ بارىسىندا قر اشم مەملەكەتتىك ينسپەكتورلارى تاۋارلاردىڭ فيتوسەرتيفيكاتتارى جوقتىعىن انىقتادى. بۇل ءوز كەزەگىندە حالىقارالىق ساۋدا نورمالارىن, وسىمدىكتەردى قورعاۋ جانە وسىمدىكتەر كارانتينى جونىندەگى حالىقارالىق كونۆەنتسيانىڭ جانە ەۋرازيالىق ەكونوميكالىق وداق تالاپتارىن ورەسكەل بۇزۋ بولىپ سانالادى (ەاەو شارتى, ەەك كەڭەسىنىڭ 2016 جىلعى № 157 شەشىمى, كوك 2010 جىلعى № 318 شەشىمى).
"ەاەو وسىمدىكتەر كارانتينىن قامتاماسىز ەتۋ تۋرالى" كەدەندىك وداق كوميسسياسىنىڭ 2010 جىلعى 18 ماۋسىمداعى №318 قاۋلىسىنا سايكەس, "ەاەو كەدەندىك اۋماعىندا كارانتيندىك فيتوسانيتارلىق باقىلاۋدى (قاداعالاۋدى) جۇزەگە اسىرۋ ءتارتىبى تۋرالى ەرەجەگە" جانە "وسىمدىكتەر كارانتينى تۋرالى" قر زاڭىنا سايكەس فيتوسانيتارلىق قاۋىپتىلىگى جوعارى ونىمدەردى رەسپۋبليكا اۋماعىنا ەكسپورتتاۋشى ەلدىڭ فيتوسانيتارلىق سەرتيفيكاتىنسىز تاسىمالداۋعا قاتاڭ تىيىم سالىنادى.
وسىنىڭ نەگىزىندە بارلىق 24 اۆتوكولىك توقتالىپ, سونىڭ سالدىرانان قر جانە رف شەكاراسى اراسىنداعى جولدا ۇزىن-سونار كەزەك پايدا بولدى.
الايدا, ەكى ەلدىڭ بەكەتتەتەرى اراسىنداعى كەپتەلىس سالدارىنان تۋىنداعان قولايسىزدىققا بايلانىستى, سونداي-اق ازىق-ت ۇلىك باعاسىن تۇراقتاندىرۋ ماقساتىندا جۇكتەردىڭ فيتوسانيتارلىق جاعدايى تەرەڭ زەرتحانالىق زەرتتەۋدەن وتكىزىلىپ, سىرتقى ەكونوميكالىق قىزمەتكە قاتىسۋشىلارعا ايىپپۇل سالىپ جانە ەاەو وسىمدىكتەر كارانتينى سالاسىنداعى زاڭناماسىن بۇزۋشىلار تىزىمىنە ەنگىزىلگەننەن كەيىن جۇك كولىكتەرىنىڭ قازاقستانعا كىرۋىنە رۇقسات ەتىلدى.
سونداي-اق, اتالمىش يمپورتتاۋشىلارعا 30 كۇنتىزبەلىك كۇن ىشىندە قازاقستان رەسپۋبليكاسى مەن رەسەي فەدەراتسياسىنىڭ اۋماعىندا فيتوسانيتارلىق سەرتيفيكاتتار الا المايتىندىعى ءتۇسىندىرىلدى.
سونىمەن بىرگە, قر اشم اگروونەركاسىپتىك كەشەندەگى مەملەكەتتىك ينسپەكتسيا كوميتەتى رەسەي اۋىل شارۋاشىلىعىن باقىلاۋ كوميتەتىمەن وسىنداي زاڭ بۇزۋشىلىقتاردىڭ الدىن الۋ جانە سىرتقى ەكونوميكالىق قىزمەتكە قاتىسۋشىلار اراسىندا ءتۇسىندىرۋ جۇمىستارىن كۇشەيتۋ بويىنشا ءىس-شارالاردىڭ بىرىڭعاي الگوريتمىن ازىرلەۋ جونىندە كەلىسسوزدەر جۇرگىزۋدى جوسپارلاپ وتىر.
سونىمەن قاتار, اگروونەركاسىپتىك كەشەندەگى مەملەكەتتىك ينسپەكتسيا كوميتەتى قازاقستان شەكاراسىندا كارانتيندىك فيتوسانيتارلىق باقىلاۋدى كۇشەيتىپ, زاڭ بۇزۋشىلارعا قاتىستى قاتاڭ شارالار قولدانادى.
