دەپۋتاتتار قوعامدىق باقىلاۋ اياسىندا دارىحانالارعا باردى. وندا ءدارى-دارمەكتەر مەن مەديتسينالىق ماقساتتاعى بۇيىمداردىڭ جەتكىلىكتى بولۋىن باقىلادى. سونداي-اق, دارىگەرلەردىڭ جۇمىس جاعدايلارى مەن ەمدەلۋشىلەرگە ەرەكشە نازار اۋداردى.
ءماجىلىس دەپۋتاتى, Nur Otan پارتياسى فراكتسياسىنىڭ مۇشەسى سەرگەي زۆولسكي سولتۇستىك قازاقستان وبلىسىنداعى تايىنشا اۋدانى, كەللەر اۋىلىنداعى پروۆيزورلىق ستاتسيونارعا باردى. ماجىلىسمەن مەديتسينا قىزمەتكەرلەرىنىڭ جۇمىستارىمەن, وندا ەم قابىلداپ جاتقان ادامداردىڭ, ونىڭ ىشىندە جاقىن ماڭداعى اۋدانداردان كەلگەن ەمدەلۋشىلەردىڭ جاعدايىمەن تانىستى. دارىگەرلەردىڭ ايتۋىنشا, بۇگىندە اۋرۋحانادا 43 ناۋقاس ەم قابىلداپ جاتسا, 99 ادام ساۋىعىپ شىققان.
پروۆيزورلىق ستاتسيونار ۇجىمىمەن اڭگىمەلەسكەن دەپۋتات ورتالىقتىڭ ءدارى-دارمەكتەرمەن جانە جەكە قورعانىس قۇرالدارىمەن جەتكىلىكتى تۇردە قامتاماسىز ەتەتىندىگىنە كوز جەتكىزدى. سونىمەن قاتار, ءماجىلىس دەپۋتاتى كەڭەس ابساتيروۆ سولتۇستىك قازاقستان وبلىسىنىڭ م. جۇماباەۆ اتىنداعى اۋدانعا, سونداي-اق, مامليۋت جانە جامبىل اۋداندارىندا باردى. ول وبلىستىق اۋرۋحانالاردىڭ مەديتسينالىق قىزمەتكەرلەرىمەن كەزدەسىپ, پروبلەمالىق ماسەلەلەردى تالقىلادى.
ك.ابساتيروۆ "اق جول" پارتياسىنىڭ اتىنان وبلىستىق اۋرۋحانالارعا پۋلسوكسيمەترلەر جانە جەكە قورعانىش قۇرالدارىن سىيعا تارتتى. جۇمىس ساپارىنىڭ سوڭىندا دەپۋتاتتار دارىگەرلەر مەن مەدبيكەلەرگە ولاردىڭ جۇمىسىنا قولداۋ ءبىلدىرىپ, ايماقتا كوروناۆيرۋستىق ىندەتكە قاتىستى جاعداي جەرگىلىكتى اتقارۋشى ورگانداردىڭ باقىلاۋىندا ەكەنىن اتاپ ءوتتى.
