ومبۋدسمەننىڭ ويىنشا, قولدانىلعان شارالارعا قاراماستان, ءبىزدىڭ مەملەكەتىمىزدىڭ «باقىلاۋ تىزىمىندەگى» ەلدەردىڭ قاتارىنا ەنۋى الدىڭعى ەسەپتىك كەزەڭمەن سالىستىرعاندا ەل ۇكىمەتىنىڭ ادام ساۋداسىنا قارسى كۇرەس شارالارىنىڭ جانداندىرىلعاندىعى جايلى دالەلدەردى ۇسىنباعاندىعىن بىلدىرەدى. سونىمەن قاتار بۇل جايت ەلىمىزدە وسىنداي قىلمىستاردان زارداپ شەگۋشىلەر سانىنىڭ وسكەنىن ايعاقتايدى.
اتالىپ وتكەندەي, رەسمي ستاتيستيكاعا بويىنشا قازاقستانداعى انىقتالعان ادام ساۋداسى مەن قىلمىستىق جاۋاپكەرشىلىككە تارتۋ وقيعالارى قىرعىزستان مەن وزبەكستاندى قوسا العاندا ولار ءۇشىن قازاقستان باراتىن ەل بولىپ تابىلاتىن كورشى ەلدەرگە قاراعاندا ەداۋىر تومەن. بۇل وسىنداي قىلمىستاردى انىقتاۋ, تەرگەۋ جانە جازالاۋ بويىنشا جۇمىستاردىڭ ءتيىستى دارەجەدە ەمەستىگىن كورسەتۋى مۇمكىن.
ومبۋدسمەن وزگە دە پروبلەمالار ىشىندە ادام ساۋداسىنان زارداپ شەككەن شەتەلدىكتەر مەن ازاماتتىعى جوق تۇلعالاردىڭ ارنايى الەۋمەتتىك قىزمەتتەرگە, سونىڭ ىشىندە داعدارىس ورتالىقتارىنا ۋاقىتشا ورنالاسۋعا مۇمكىندىكتەرىنىڭ جوقتىعىنا نازار اۋدارادى.
ەستەرىڭىزگە سالساق, بۇعان دەيىن اقش مەملەكەتتىك دەپارتامەنتىنىڭ 2019 جىلعا ارنالعان ادام ساۋداسى تۋرالى جىل سايىنعى بايانداماسى جاريالاگعان بولاتىن. ونىڭ اياسىندا سەرىكتەس ەلدەردەگى ادام ساۋداسىمەن كۇرەس جونىندەگى جاعداي ۇسىنىلعان.
وزگە ەلدەردى باعالاۋ ادام ساۋداسىن جويۋ ءۇشىن مينيمالدى ستاندارتتارعا سايكەستىگى نەگىزىندە (2000 جىلعى «Trafficking Victims Protection Act» اقش زاڭى) ءتورت دەڭگەيدىڭ («1», «2», «2 watch list» (باقىلاۋ ءتىزىمى) جانە «3») بىرىنە جاتقىزۋ جولىمەن جۇرگىزىلەدى.
قازاقستان العاش رەت «2 watch list» (باقىلاۋ ءتىزىمى) دەڭگەيىنە جاتقىزىلىپ وتىر. سونداي-اق, قازاقستان 2012 جىلدان بەرى ۇنەمى «2» دەڭگەيىندە بولىپ كەلدى.
باياندامادا سونداي-اق ەلدەگى جاعدايدى جاقسارتۋ ءۇشىن 11 ۇسىنىم جيناقتالعان.
قازاقستان ءۇشىن ماڭىزدى سانالاتىن كەلەسى ۇسىنىستار بەرىلگەن:
ادام ساۋداسىنان جاپا شەككەندەردى انىقتاۋ بويىنشا شارالاردى مەيلىنشە كۇشەيتۋ قاجەت- اسىرەسە ءماجبۇرلى ەڭبەككە جەگۋدەن زارداپ شەككەن شەتەلدىكتەرگە - حالىقتىڭ ءالسىز توپتارى اراسىندا جانە جاپا شەككەندەرگە كومەك كورسەتەتىندەي جەرگە قايتا باعىتتاۋ.
ادام ساۋداسىنان زارداپ شەككەن شەتەلدىكتەر ءۇشىن قولجەتىمدى كومەك كولەمىن مەيلىنشە ارتتىرۋ, ونداي جاپا شەگۋشىلەرگە ولاردىڭ تەرگەۋ جانە قىلمىستىق پروتسەسكە قاتىسۋىنا قاراماستان انىقتاۋدى جانە كومەك كورسەتۋدى قامتاماسىز ەتۋ.
ادام ساۋداسىمەن بايلانىستى قىلمىستاردى تەرگەۋدى قامتاماسىز ەتۋ جانە كىنالىلەردى جاۋاپقا تارتۋ.
ەلۆيرا ازيموۆا باقىلاۋ تىزىمىندە نەمەسە 3-ءشى دەڭگەيدەگى ەلدەر تىزىمىندە بولۋ اقش تاراپىنان ساۋداعا قاتىسى جوق گۋمانيتارلىق ەمەس شەتەلدىك كومەك بەرۋدەن, سونداي-اق ءبىلىم بەرۋدى قارجىلاندىرۋ جانە مادەني الماسۋ شارالارىنان باس تارتۋ سىندى بەلگىلى-ءبىر سانكتسيالاردى تۋدىرۋى مۇمكىن ەكەندىگىنە نازار اۋداردى.
تاعى ءبار تاۋەكەل – حالىقارالىق قارجى ينستيتۋتتارى تاراپىنان ينۆەستيتسيالىق جانە ەكونوميكالىق شەكتەۋلەردىڭ بولۋ ىقتيمالدىعى, اتاپ ايتقاندا – قازاقستاندا جۇزەگە اسىرىلىپ جاتقان جوبالار كولەمىنىڭ قىسقارۋى.
«قازاقستان رەسپبليكاسىنىڭ ىشكى ىستەر مينيسترلىگىنە ەڭبەك جانە حالىقتى الەۋمەتتىك قورعاۋ, دەنساۋلىق ساقتاۋ, سىرتقى ىستەر مينيسترلىكتەرىمەن جانە باسقا دا ۋاكىلەتتى ورگاندارمەنبىرىگە وتىرىپ, سونىمەن قاتار قازاقستان رەسپۋبليكاسى ۇكىمەتى جانىنداعى ادامداردى زاڭسىز اكەلۋ, اكەتۋ جانە ساۋدالاۋمەگ كۇرەسۋ ماسەلەلەرى بويىنشا ۆەدومستۆوارالىق كوميسسيا قىزمەتى اياسىندا بەرىلگەن ۇسىنىستاردى جىل سوڭىنا دەيىن ىسكە اسىرۋ بويىنشا ناقتى شارالاردىڭ قابىلدانۋىن جەدەلدەتۋدى تاپسىرۋىڭىزدى سۇرايمىن», دەلىنگەن ومبۋدسمەننىڭ قر پرەمەر-مينيسترىنە جولداعان حاتىندا.
بۇعان قوسا, قازىرگى ۋاقىتتا قازاقستانداعى كحۇ (كوشى-قون جونىندەگى حالىقارالىق ۇيىم) اقش ەلشىلىگىنىڭ قولداۋىمەن قازاقستان ءۇشىن تاجىريبەلىك جانە زاڭنامالىق سيپاتتاعى ۇسىنىستاردى ازىرلەۋگە باعىتتالعان جوبانى ىسكە قوسپاقشى. ول جۇمىستىڭ ناتيجەسى كەيىن جاريالانادى.
