رۋحانيات • 29 شىلدە، 2020

قوجا احمەت ياساۋي كەسەنەسىنىڭ كۇمبەزىن قايتا قالپىنا كەلتىرۋ جۇمىستارى اياقتالدى

161 رەت كورسەتىلدى

بۇگىن قوجا احمەت ياساۋي كەسەنەسىندە اتقارىلعان جۇمىستارمەن قازاقستان رەسپۋبليكاسى مادەنيەت جانە سپورت مينيسترلىگى مادەنيەت جانە ونەر ىستەرى دەپارتامەنتىنىڭ ديرەكتورى كۇمىس سەيىتوۆا باق وكىلدەرىمەن وتكەن جيىندا تانىستىردى، - دەپ حابارلايدى Egemen.kz.

اۋقىمدى جۇمىستى مادەنيەت جانە سپورت مينيسترلىگىنىڭ باستاماسىمەن "قازقايتاجاڭارتۋ" رمك جۇرگىزگەن ەدى.  كۇمبەزدىڭ تاريحي كەلبەتى ساقتالىپ، جەلدەتكىش قاباتتارى رەتكە كەلتىرىلدى. قازىر كۇمبەز ەتەگىندەگى سەگىز قىرمەن قوسىلعان جەرىندە گيدرووقشاۋلاۋ جۇمىستارى جالعاسىپ جاتىر.

كۇمبەزدى قايتا قالپىنا كەلتىرۋ جۇمىستارى بارىسىندا عىلىمي-زەرتتەۋ جۇمىستارى جۇرگىزىلىپ، وعان بەلگىلى تاريحشىلار، زەرتتەۋشىلەر جانە بىلىكتى رەستاۆراتورلار قاتىسقان.

ەلىمىز عانا ەمەس ءتۇبى ءبىر تۇركى جۇرتىنىڭ رۋحاني ورتالىعى  - تۇركىستان قالاسىنداعى تاريحي-مادەني ورىنداردى قايتا جاڭعىرتۋ، زەرتتەۋ جانە تۋريستىك ورتالىققا اينالدىرۋ ماقساتىندا قر مادەنيەت جانە سپورت مينيسترلىگىنىڭ ءۇش جىلعا ارنالعان دامۋ جوسپارى بەكىتىلىپ، جۇزەگە اسىرىلىپ جاتقانى بەلگىلى.

وسى ورايدا مادەنيەت جانە سپورت مينيسترلىگىنە قاراستى "ازىرەت سۇلتان" مەملەكەتتىك تاريحي-مادەني قورىق-مۋزەيى اۋماعىنداعى تاريحي ورىنداردا قايتا قالپىنا كەلتىرۋ جۇمىستارى، ورتاعاسىرلىق كۇلتوبە قالاشىعى، حان ورداسى مەن مەشىتى ورنالاسقان ماگيسترالدى كوشە بويىندا ارحەولوگيالىق قازبا جۇمىستارى قارقىندى ءجۇرىپ جاتىر.

سونىمەن قاتار قىلۋەت جەراستى مەشىتى (XII عاسىر)، جۇما مەشىتى (XII-XIX ع.)، رابيا سۇلتان بەگىم كەسەنەسى (XVI عاسىر)، شيلدەحان (XIV-XV عع.)، شىعىس مونشاسى (XVI) تاعى باسقا ورىنداردا اۋقىمدى شارالار قولعا الىنعان.

ال ورتاعاسىرلىق كۇلتوبە قالاشىعى جانە جەتى اتا نەگىزگى كوشەلەرىندەگى ارحەولوگيالىق-قالپىنا كەلتىرۋ جۇمىستارىنىڭ ناتيجەسىندە قوجا احمەت ياسساۋ كەسەنەسى مەن كونە تۇركىستان قالاسى تاريحي-مادەني كەشەنىنىڭ اۋماعىنان ەلىمىزدەگى ەڭ ۇلكەن اشىق اسپان استىنداعى مۇراجاي اشۋ جۇزەگە اسىرىلىپ كەلەدى. اتالعان جۇمىستاردى "ازىرەت سۇلتان" مەملەكەتتىك تاريحي-مادەني قورىق-مۋزەيى، قازاق عىلىمي زەرتتەۋ ينستيتۋتى جانە "قازقايتاجاڭارتۋ" رمك جۇرگىزىپ جاتىر.

سوڭعى جاڭالىقتار

شىعىسقا قار ءتۇستى

ايماقتار • كەشە

ۇقساس جاڭالىقتار