ء"موبيلدى توپتار شاقىرتۋلارعا بارىپ, كوروناۆيرۋس ينفەكتسياسىنىڭ بەلگىلەرىن بايقاسا, ءبىزدىڭ فەلدشەرلەر ۇيدەن پتر-زەرتتەۋ ءۇشىن قان الادى. سونداي-اق COVID-19-بەن اۋىرعان وتباسى مۇشەلەرىنەن تالداۋ الىنادى. وسىلايشا ولاردىڭ ەمحاناعا كەلۋىن ازايتىپ, قاۋىپسىزدىگىن ساقتاي الامىز", – دەيدى باس مەدبيكە كۇلزي ابەنوۆا.
دارىگەرلەر ۇيدە كورسەتەتىن مەديتسينالىق كومەكتەن باسقا ديسپانسەرلىك ەسەپتە تۇرعان ناۋقاستارعا ءدارى-دارمەك اكەلەدى. سونداي-اق DamuMed قوسىمشاسى ارقىلى ونلاين-كەڭەستەر وتكىزەدى. دارىگەرلەردىڭ ايتۋىنشا, كارانتين ەنگىزىلگەننەن كەيىن جاعداي تۇراقتالعان.
"بۇگىنگى تاڭدا بىزدە التى ءموبيلدى توپ جۇمىس ىستەيدى. كارانتين ەنگىزىلگەننەن كەيىن شاقىرتۋلار سانى 30% تومەندەدى", – دەيدى مامان.
ەستەرىڭىزگە سالا كەتەيىك, ماۋسىم ايىندا دەنساۋلىق ساقتاۋ مينيسترلىگىنىڭ قاۋلىسىمەن كوروناۆيرۋس پەن پنەۆمونيا جۇقتىرعان ناۋقاستارعا كومەك كورسەتۋ ءۇشىن ءموبيلدى توپتار قۇرىلدى. بۇگىندە ەلوردادا 200-گە جۋىق ءموبيلدى توپ جۇمىس ىستەيدى. ءبىر ءموبيلدى توپ قىزمەتى بەس مىڭ تۇرعىنعا ەسەپتەلگەن.
شىلدە ايىنىڭ باسىنان باستاپ نۇر-سۇلتان جەدەل جاردەم ستانتسياسىنا قوڭىراۋلار سانى ءۇش ەسە ازايدى – كۇنىنە 3000-نان 1100-گە دەيىن. ونىڭ ىشىندە كوروناۆيرۋس ينفەكتسياسى بويىنشا – تاۋلىگىنە 500-دەن 89-عا دەيىن. نۇر-سۇلتاندا كوروناۆيرۋس ينفەكتسياسىنان ەمدەلىپ شىققاندار سانى 70% – 10 320 ناۋقاستىڭ 7 260-ى ساۋىعىپ شىققان. توسەك-ورىن قورىنا جۇكتەمە 99%-دان 38%-عا دەيىن تومەندەدى. 5 شىلدەدەن باستاپ جۇرگىزىلگەن كارانتين شارالارى مەن امبۋلاتوريالىق ەمدەۋدى كۇشەيتۋ ناتيجەسىندە پنەۆمونيامەن اۋرۋحاناعا تۇسكەندەر سانى ەكى ەسە – 1348-دەن 633 ادامعا دەيىن ازايدى.
