"اۋرۋ كوبىنەسە جەڭىل جانە ورتاشا جاعدايدا وتكەنىمەن اۋرۋدىڭ جەڭىل ءوتىپ, كۇردەلى جاعداي بولىپ كەتپەۋى ءۇشىن اعزانى مەديكامەنتوزبەن قولداپ وتىرۋ كەرەك. قر دەنساۋلىق ساقتاۋ مينيسترلىگىنىڭ ساپا مەن مەديتسينالىق قىزمەت بويىنشا بىرىككەن كوميسسياسى كۆي-دى دياگنوستيكالاۋ مەن ەمدەۋ حاتتاماسىنا اۋرۋدى امبۋلاتوريالىق دەڭگەيدە وتكەرەتىن پاتسيەنتتەر ءۇشىن 5 پرەپارات ەنگىزدى. بۇل قابىنۋعا قارسى پرەپاراتتار – پاراتسەتامول مەن يبۋپروفەن, ريۆاروكسابان, اپيكسابان مەن دابيگاتران سەكىلدى انتيكواگۋليانتتار", دەدى ل. بيۋرابەكوۆا.
ازاماتتار امبۋلاتوريالىق دەڭگەيدە بۇل پرەپاراتتى تەگىن الۋى ءۇشىن بىرقاتار ءنورماتيۆتى قۇجاتقا وزگەرىستەر ەنگىزىلگەن. اتالمىش پرەپاراتتار امبۋلاتوريالىق دەڭگەيدە تەگىن بەرىلەتىن ءدارى-دارمەكتەر تىزىمىنە, (قر دسم №666 بۇيرىعى), بىرىڭعاي ديستريبيۋتوردان ساتىپ الىناتىن دارىلىك پرەپاراتتاردىڭ تىزىمىنە كىرگەن.
"قازىرگى ۋاقىتتا كوروناۆيرۋس ينفەكتسياسىنان ەمدەۋ ءۇشىن تۇپنۇسقاداعى بايەر (ريۆاروكسابان) كومپانياسىنىڭ كسارەلتو, پفايزەر (اپيكسابان) كومپانياسىنىڭ ەليكۆيس, بەرينگەر ينگەلحايم (دابيگاتران) كومپانياسىنىڭ پراداكس انتيكواگۋليانتىن ساتىپ الۋ بويىنشا وندىرۋشىمەن كەلىسسوزدەر جۇرگىزىلۋدە", دەپ جازدى.
