باتىر جۇكەمباەۆ – ءبىرىنشى جارتىلاي ورتا سالماقتا جۇدىرىقتاساتىن, جەڭىلىس ءدامىن تاتىپ كورمەگەن كاسىپقوي بوكسشى. ول 1991 جىلى 5 ساۋىردە جامبىل وبلىسىنىڭ شۋ وڭىرىندە دۇنيەگە كەلگەن. بۇگىندە رينگتە "777" لاقاپ اتىمەن كەڭىنەن تانىمال. قازىرگى تاڭدا WBA Continental, IBF Inter-Continental, IBO International, WBC Continental Americas چەمپيوندىق تيتۋلدارىنىڭ يەگەرى.
باتىر كاسىپقوي رينگتەگى 18 جەكپە-جەگىنىڭ ءبارىن ۇتىپ, 14 نوكاۋت تىركەگەن. 2019 جىلى ول الەمنىڭ ەكس-چەمپيونى ميگەل ۆاسكەستى جەڭىپ, WBA جانە IBF تۇجىرىمىنىڭ بەلبەۋلەرىن ەنشىلەدى. جىل باسىندا مەكسيكالىق ريكاردو لارانى نوكاۋتقا جىبەرسە, 2018 جىلدىڭ 31 ناۋرىزىندا قارسىلاسىن 35-ءشى سەكۋندتا-اق قۇلاتىپ وزىندىك رەكورد ورناتتى. جۇكەمباەۆتىڭ ەرەكشە جۇدىرىقتاسۋ مانەرىن بۇگىندە اقش پەن كانادانىڭ بىلىكتى بوكس ماماندارى جوعارى باعالاپ, ونى ءوز ديۆيزيونىنداعى بولاشاق بوكس جۇلدىزداردىڭ قاتارىنا قوسادى.
جالپى "RG Brands" جشس-ءى قۇرامىنا كىرەتىن "Resmi Group" ديرەكتورلار كەڭەسىنىڭ توراعاسى قايرات ماجىباەۆتى قازاق سپورت جانكۇيەرلەرى جاقسى بىلەدى. ول تەك تابىستى كاسىپكەر عانا ەمەس ەل اۋزىندا سپورت جاناشىرى رەتىندە دە اتى اتالىپ جۇرگەن ازامات.
"RG Brands" كومپانياسى مەن "ASU" اۋىز سۋ برەندى ماقساتى ۇلكەن سپورتشىلاردى اركەز قولدايدى. ويتكەنى ولارعا قاراپ بۇگىن وسكەلەڭ ۇرپاق بوي تۇزەيدى جانە ەلىمىزدىڭ ابىرويى دەيتىن قۇبىلىس سولارمەن بىرگە قالىپتاسۋدا. باتىردىڭ بويىنان وسى اتالعان قاسيەتتەردىڭ بارلىعىن تابا الاسىز. ول بولاشاعى جارقىن جانە كۇش-قۋاتى تولىسقان بوكسشى. ءبىزدىڭ ارىپتەستىگىمىز جەمىستى بولادى دەپ سەنەمىن», دەدى قايرات قۋانىشباي ۇلى.
