ايماقتار • 28 شىلدە، 2020

اتىراۋدا ۆەلوسيپەد ۇرلىعى بويىنشا 70 قىلمىستىق ءىس تىركەلگەن

22 رەت كورسەتىلدى

اتىراۋ قالاسىندا جىل باسىنان ۆەلوسيپەد ۇرلىعى بويىنشا بارلىعى 70 قىلمىستىق ءىس تىركەلدى، – دەپ حابارلايدى Polisia.kz.

پوليتسيا قىزمەتكەرلەرىمەن ىزدەستىرۋ شارالارى بارىسىندا قولدى بولعان 50-گە جۋىق ۆەلوسيپەد جابىرلەنۋشىلەرگە قايتارىلدى.

20 مامىر ساعات 20:40 پەن 21 مامىر ساعات 17.00 ارالىعىندا قالاداعى ش.ءۋاليحانوۆ كوشەسىندەگى كوپ قاباتتى ءۇي ءدالىزىنىڭ 2-قاباتىندا تۇرعان قۇنى 60 مىڭ تۇراتىن ماركاسى “Trinx” ۆەلوسيپەدىن، 22 مامىر كۇنى ساعات 10.00 مەن 12.00 ارالىعىندا قالاداعى ساتپاەۆ كوشەسى #41ب ءۇيدىڭ دالىزىندە تۇرعان قۇنى 80.000 تەڭگە تۇراتىن قارا ءتۇستى سپورتتىق ۆەلوسيپەدىن جاسىرىن ۇرلاپ، بوي تاسالاپ قاشىپ كەتكەن كۇدىكتى ىزدەستىرۋ شارالارى بارىسىندا ۇستالدى.

24 جاستاعى قالا تۇرعىنى تەرگەۋ يزولياتورىنا قاماۋعا الىندى.

قالالىق پوليتسيا باسقارماسىنىڭ 1-ءبولىمىنىڭ قىزمەتكەرلەرى ۆەلوسيپەد ۇرلىعىن “كاسىپ” ەتكەن 2001 جىلعى كۇدىكتىنى انىقتادى. تەكسەرۋ بارىسىندا، بۇل جىگىتتىڭ ءۇش ۆەلوسيپەدتى قولدى قىلعانى انىقتالدى.

جەدەل ۋاكىلدەرمەن ۆەلوسيپەد ۇرلىعىنا قاتىستى 27 جاستاعى ايەل انىقتالدى.

ول قالانىڭ نۇرسايا ىقشام اۋدانىنداعى ۇيلەردىڭ دالىزدەرىندە قالدىرىلعان ەكى ۆەلوسيپەدتى جانە بالالارعا ارنالعان ساموكاتتى قاسىنا ءتورت جاستاعى قىز بالاسىن ەرتىپ ءجۇرىپ جاساپتى. كۇدىكتىنىڭ باسقا ۇرلىققا قاتىسى بار-جوعى تەكسەرىلۋدە.

ال، 15 شىلدە ساعات 21.00 مەن 16 شىلدە ساعات 08.40 ارالىعىندا بەلگىسىز ادام اتىراۋ قالاسى اق-شاعالا ىقشام اۋدانى 2-كوشەدەگى ۇيلەردىڭ ءبىرىنىڭ دالىزىندە تۇرعان قۇنى 90.000 تەڭگە تۇراتىن ماركاسى “Stels” ۆەلوسيپەدىن ۇرلاعان. جوعالعانى بويىنشا ىزدەستىرۋ شارالارى بارىسىندا قىلمىسقا كۇدىكتى  2002 جىلى تۋعان قالا تۇرعىنى انىقتالىپ، قر قك-ڭ 188-بابىنىڭ 1-بولىگىمەن قىلمىستىق ءىس قوزعالدى.

اتىراۋ قالاسى پوليتسيا باسقارماسى ۆەلوسيپەد يەلەرىنە ۆەلوسيپەدتى ءۇي دالىزدەرىنە، ساۋدا ۇيلەرىنىڭ نەمەسە باسقا دا مەكەمەلەردىڭ بەينەكامەرامەن قامتىلعان اۋماقتارىنا قالدىرۋدى ۇسىنادى. ال، ءۇي دالىزدەرىنە، اۋلا سىرتىنا قالدىرعان جاعدايدا ق ۇلىپتاپ  بەكىتۋ كەرەكتىگىن ەسكەرتەدى.

سوڭعى جاڭالىقتار

ۇقساس جاڭالىقتار