ال يسپانيادا ادامداردىڭ اپتاپ ىستىقتا جاعاجايلارعا كوپتەپ بارۋى اۋرۋ سانىن كۇرت ءوسىردى. بۇل جاعدايعا ەۋروپا ەلدەرى الاڭداپ وتىر.
قىتايدا دا قاۋىپتى ينفەكتسيانىڭ جاڭا وشاقتارى انىقتالدى. دەمەك بۇل كوروناۆيرۋس قايتا ءورشۋى مۇمكىن دەگەندى بىلدىرەدى, - دەيدى ساراپشىلار. سوڭعى دەرەك بويىنشا كورشى ەلدە 60-تان اسا ادام COVID-19 جۇقتىرعان. سونداي-اق 40-قا جۋىق ازاماتتان ۆيرۋستىڭ سيمپتومسىز ءتۇرى انىقتالدى.
افريكا ەلدەرى دە قاۋىپتى دەرتپەن كۇرەسە الماي الەك. بۇل قۇرلىقتاعى مەملەكەتتەر دە كارانتين رەجيمىن ۇزارتۋعا ءماجبۇر بولىپ وتىر. ءدال قازىرگى ۋاقىتتا ناۋقاستار سانى 827 مىڭنان اسقان. سوندىقتان, الجير كومەندانتتىق ساعاتتى تاعى 15 كۇنگە ۇزارتۋعا شەشىم قابىلدادى.
برازيليا ۆيرۋس جۇقتىرعاندار سانى بويىنشا ءتىزىم باسىندا تۇر. ەلدە 2,5 ميلليونعا جۋىق ازامات قاۋىپتى دەرتكە شالدىققان.
ۆيرۋس جۇقتىرۋشىلار سانى از مەملەكەتتەردىڭ ءبىرى - ۆەتنام. مۇندا جالپى سانى 420 ناۋقاس تىركەلىپتى. سونداي-اق اتالمىش ەلدە الىگە دەيىن ءولىم-ءجىتىم تىركەلە قويعان جوق.
