الەم • 28 شىلدە، 2020

قازاقستاندىقتار دۋبايعا كەلەردە كوروناۆيرۋس سىناماسىن ەكى رەت تاپسىرادى

28 رەت كورسەتىلدى

دۋبايعا ساياحاتتاعىسى كەلەتىن قازاقستاندىقتاردىڭ كوروناۆيرۋستىق دياگنوزعا قاتىستى تەرىس سەرتيفيكاتى بولۋى جانە اۋەجايعا كەلگەننەن كەيىن مۇرىن جاعىندىسىن تاپسىرۋى ءتيىس، دەپ حابارلايدى Egemen.kz

اتالعان ساقتىق شارالارى 29 ەلدىڭ تۋريستەرى ءۇشىن مىندەتتى ەرەجە بولىپ سانالادى جانە  1 تامىزدان باستاپ كۇشىنە ەنەدى. وسىعان وراي، تۋريستەر ەكى رەت تەستىلەۋدەن ءوتۋى قاجەت: بىرەۋى – قونعانعا دەيىن، ەكىنشىسى – كەلگەننەن كەيىن. بۇل ساقتىق شارالارى كوروناۆيرۋس ىندەتىنە شالدىققاندارعا تىكەلەي قاتىسى بار.

قازاقستاننان باسقا، شەتەلدىك ازاماتتار وسى قوسارلانعان تەستىلەۋدەن وتۋگە ءتيىس. سول ەلدەردىڭ تىزىمىندە: اۋعانستان، ارمەنيا، برازيليا، بانگلادەش، دجيبۋتي، ەگيپەت، ەريترەيا، ءۇندىستان، يندونەزيا، يران، يراك، قىرعىزستان، ليۆان رەسپۋبليكاسى، چەرنوگوريا، نيگەريا، پاكىستان، فيليپپين، رەسەي، سەربيا، سومالي، وار، شري-لانكا، سۋدان، تاجىكستان، تانزانيا، تۇرىكمەنستان، وزبەكستان جانە اقش بار.

بۇعان دەيىن حابارلانعانداي، دۋباي تۇرعىندارى 23 ماۋسىمنان باستاپ، شەتەلگە ساياحاتتاۋعا رۇقسات ەتىلگەن. ال شەتەلدىك تۋريستەر تەك 7 شىلدەدەن باستاپ دۋبايعا بارا الادى.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ۇقساس جاڭالىقتار