التاي كولگىنوۆ جۇمىس كۇنى باستالعانعا دەيىن جۇمىس بارىسىمەن تانىستى. "باسپانا كوكتال" تۇرعىن ءۇي كەشەنى 5 جىلدان بەرى پروبلەمالى قۇرىلىس ساناتىندا. ونداعى ۇلەسكەرلەردىڭ سانى 530-دان اسادى.
"بۇرىنعى قۇرىلىس سالۋشى بىرنەشە قاباتتى زاڭسىز سالعان. مىسالى, 5 قاباتتىڭ ورنىنا 9 قابات ءۇي سالعان, ال 9 قاباتتىڭ ورنىنا – 12 قابات. ۇيلەردىڭ بارلىعى ۇلەسكەرلەرگە ساتىلدى", دەپ جازادى نۇر-سۇلتان اكىمى ءوزىنىڭ Instagram جەلىسىندە.
قولدانىستاعى نورمالارعا سايكەس 6 قاباتتان تۇراتىن عيمارات ليفتپەن قامتاماسىز ەتىلۋى ءتيىس. وسىعان بايلانىستى ليفتىلەردى ورناتۋ ءۇشىن قالقالاردى بولشەكتەۋ جۇرگىزىلەدى جانە ورتكە قارسى ەۆاكۋاتسيالىق ساتىلار ورناتىلادى.
"وتكەن جىلى بىرقاتار پروبلەما بولدى, باسىم بولىگى شەشىلدى. ءۇي "ەلوردا قۇرىلىس كومپانياسى" قاتىسۋمەن "نۇرلى جەر" باعدارلاماسى اياسىندا سالىنادى. بيىل 20 كوپپاتەرلى تۇرعىن ءۇي كەشەنىن سالىپ, پايدالانۋعا بەرەمىز. بۇل 8 مىڭعا جۋىق ۇلەسكەردىڭ ماسەلەسىن شەشۋگە مۇمكىندىك بەرەدى", دەدى ا.كولگىنوۆ.
