قوعام • 27 شىلدە، 2020

كارانتين كەزىندەگى زاڭبۇزۋشىلىقتاردى حابارلاۋعا بولاتىن Telegram-بوت ىسكە قوسىلدى

20 رەت كورسەتىلدى

قازاقستاندا تەلەگرامم-بوت ىسكە قوسىلدى، ونىڭ كومەگىمەن پايدالانۋشىلار، COVID-19 بويىنشا قوعامدىق باقىلاۋ توبىنا حابارلامالار جىبەرە الادى. بۇل تۋرالى اقپارات جانە قوعامدىق دامۋ مينيسترلىگى حابارلادى، - دەپ جازادى Egemen.kz

وسى سەرۆيستىڭ كومەگىمەن قوعام بەلسەندىلەرى سانيتارلىق نورمالار مەن كارانتيندىك شارالاردىڭ بۇزىلۋى تۋرالى حابارلامالار، مەديتسينالىق مەكەمەلەردىڭ جۇمىسىنا شاعىمدار جانە مەديتسينا قىزمەتكەرلەرىنىڭ جۇمىس جاعدايىن جاقسارتۋ جونىندە ۇسىنىستار الاتىن بولادى.

"ەستەرىڭىزگە سالا كەتەيىك، قوعامدىق باقىلاۋ توبى - بۇل ازاماتتىق باستاما، ونىڭ ماقساتى: دارىگەرلەردىڭ جۇمىس جاعدايىنا مونيتورينگ جاساۋ جانە مەديتسينالىق مەكەمەلەردە پاتسيەنتتەردى ەمدەۋ، گۋمانيتارلىق كومەكتى بولۋگە مونيتورينگ جاساۋ، پاندەميا جاعدايىندا الەۋمەتتىك جانە مەديتسينالىق كومەك الۋدا ازاماتتاردىڭ قۇقىقتارىنىڭ ساقتالۋىن باقىلاۋ بولىپ تابىلادى. قوعامدىق باقىلاۋ قازاقستاننىڭ بارلىق وبلىستارىندا ىسكە قوسىلىپ، قر دەنساۋلىق ساقتاۋ مينيسترلىگى مەن قر اقپارات جانە قوعامدىق دامۋ مينيسترلىگىنىڭ قولداۋىنا يە بولدى"،-دەلىنگەن حابارلامادا.

سوڭعى جاڭالىقتار

ۇقساس جاڭالىقتار