مۇنداي جاعدايلار اسىرەسە, تۇرمىسى تومەن وتباسىلاردىڭ اراسىنان كوپ شىعادى. يۋۆەنالدىق پوليتسيا بولىمشەلەرىنىڭ قىزمەتكەرلەرى مەن مۇعالىمدەر بىرلەسىپ, كەزبەلىككە ىڭعاي بىلدىرەتىن جاسوسپىرىمدەرى بار ۇيلەردى ارالاعاندا وسىنداي جاعدايدىڭ كوپ ەكەنىن انىقتاعان. ماسەلەن, تۇنگى مەزگىلدە كوشە كەزگەن 16 جاسار ءبىر ءجاسوسپىرىم پوليتسەيلەردىڭ نازارىنا بىرنەشە رەت ىلىككەن. ال ونىڭ اناسى بالاسىنىڭ تاربيەسىنە كوڭىل بولمەي, ءوز بەتىنشە كەتكەن. مىنە, وسى ايەل اتا-انالىق مىندەتىن ورىنداماعانى ءۇشىن ءۇش رەت اكىمشىلىك جاۋاپكەرشىلىككە تارتىلدى. قازىرگى كەزدە ءجاسوسپىرىم يۋۆەنالدىق پوليتسەيلەردىڭ ەرەكشە باقىلاۋىندا تۇر, كەزەكتى رەت ءتارتىپ بۇزعان جاعدايدا وتباسىنا قاتىستى ماتەريال پەتروپاۆل قالاسى اكىمدىگى جانىنداعى كامەلەتكە تولماعانداردىڭ ىستەرى جونىندەگى كوميسسيانىڭ قاراۋىنا شىعارىلادى.
ء"بىز وسىنداي تۇرمىسى تومەن وتباسىلارىنداعى جانە ءتۇرلى ەسەپتەردە تۇرعان جاسوسپىرىمدەرمەن جۇمىستى باستى نازارىمىزدا ۇستايمىز",- دەيدى سقو پد جپق باسقارماسى باستىعىنىڭ ورىنباسارى, پوليتسيا مايورى الەكساندر روزباح.
ءتارتىپ بويىنشا ساعات 23.00-دەن كەيىن بالالار مەن جاسوسپىرىمدەر تەك اتا-انالارىمەن نەمەسە ولاردىڭ زاڭدى وكىلدەرىمەن ۇيدەن تىس جەردە بولۋىنا رۇقسات ەتىلەدى. الايدا, قالادا شالا تانيتىن ەرەسەكتەرمەن بىرگە قىدىرىستاپ جۇرگەندەر دە كوپ ۇشىراسقان. جەتى جاعداي بويىنشا بالالاردىڭ سپىرتتىك ىشىمدىك ىشكەن فاكتىلەرى دە انىقتالعان. مۇنداي قىلىقتار ءۇشىن اتا-انالارىنا جاۋاپ بەرۋگە تۋرا كەلدى. بۇدان باسقا, ءبىر اي ىشىندە جاسوسپرىمدەردىڭ 21 جوعالۋ فاكتىسى تىركەلدى. جاسوسپىرىمدەردىڭ ءوز بەتىنشە ۇيىنەن كەتۋىنە اتا-انانىڭ قاتاڭ قاداعالاۋى بولماعاندىقتان ءوزىنىڭ ەركىندىگىن جانە تاۋەلسىزدىگىن كورسەتكىسى كەلەتىندىگى يتەرمەيلەيدى دەيدى پوليتسەيلەر.
پەتروپاۆل
