ايماقتار • 26 شىلدە، 2020

اتىن ايتپاعان كاسىپكەر اۋرۋحاناعا 15 اپپارات سىيلادى

30 رەت كورسەتىلدى

الماتى وبلىسىنداعى ەپيدەميالوگيالىق احۋال قالىپقا ءتۇسىپ كەلەدى. قازىر ايماق تۇرعىندارى اراسىندا ىندەت تارالۋى باسەڭدەگەن. ونى ناۋقاستاردىڭ دارگەرلىك كومەككە جۇگىنۋىنىڭ كۇرت ازايۋىنان بايقاۋعا بولادى. مىسالعا، سوڭعى ەكى اپتا كولەمىندە "جەدەل جاردەم" شاقىرۋشىلار لەگى 20 پايىزعا دەيىن كەمىدى، - دەپ حابارلايدى egemen.kz.

ال ايماقتاعى ءدارى-دارىمەك قورى مەن تىنىس الۋ اپپاراتتارىنىڭ جەتىسپەۋشىلىگى دە وڭ شەشىمىن تاپقانداي. مالىمەت بويىنشا، قازىر قاجەتتى ءدارى-دارمەك قورىندا 250،9 مىڭ تابلەتكا دەنە قىزۋىن تۇسىرەتىن ءدارى، 475 مىڭ دانا انتيبيوتيك جانە 40،5 مىڭ دانا ۆيرۋسقا قارسى پرەپارات بار ەكەن. ياعني، ەمدەۋ مەكەمەلەرى قاجەتتى دارىمەن تولىقتاي  قامتىلعان.  سونداي-اق، وبلىس بيۋدجەتىنەن بولىنگەن قارجىعا 50 دانا وكپەنى جاساندى تىنىس الدىرۋ قۇرىلعىسى ساتىپ الىندى. وسى ماقساتقا 625 ملن تەڭگە بولىنگەن ەكەن. تاعى 127 جاساندى تىنىس الۋ اپپاراتىنا تاپسىرىس بەرلىگەن.  ال دەمەۋشىلەردىڭ كومەگىمەن وسىنداي 11 قۇرىلىعى ساتىپ الىنىپ، وبلىستىڭ اۋرۋحانالارىنا تابىستالىپتى. كاسىپكەرلەر قوسىمشا قارجى جيناپ، تاعى 19 اپپارات سىيعا تارتپاقشى. قازىر وبلىس بويىنشا وكپەگە جاساندى جولمەن تىنىس بەرەتىن قۇرىلىعىلار سانى 407 بىرلىكتى قۇرادى. ونىڭ ىشىندە 60 اپپارات بالالارعا ارنالعان ەكەن.

كاسىپكەر دەمەكشى، قالتالى ازاماتتاردىڭ قايىرىم ىسىنەن قالىس قالماعانى قۋانتادى. بۇل باستاماعا جەتىسۋلىقتار ءبىر كىسىدەي جۇمىلىپ، ۇلەس قوسىپ وتىر دەسەك، جاڭىلىسپايمىز. ءتىپتى، ءوز قارجىسىنا اۋرۋحاناعا قاجەتتى قۇرىلعى ساتىپ الىپ بەرىپ، اتى-ءجونىن اتاماۋدى وتىنگەن جومارت جاندار دا بار ەكەن. مىسالعا، كەربۇلاق اۋدانىنىڭ تۇرعىنى ورتالىق اۋرۋحاناعا 15 وتتەگى كونتسەنتراتورىن سىيعا تارتقان.  "وڭ قولىڭنىڭ بەرگەنىن، سول قولىڭ كورمەسىن" دەگەن ۇستانىمدا بولعان كاسىپكەر ءوزى تۋرالى اقپارات بەرۋدەن باس تارتىپتى. جاقىندا وسى اۋداندىق اۋرۋحاناعا تاعى 5 اپپارات جەتكىزىلمەك. ناتيجەسىندە،ەمدەۋ مەكەمەسى قاجەتتى قۇرىلعىمەن تولىقتاي جابدىقتالماقشى.

- اۋداندىق اۋرۋحانادا 55 ناۋقاس پنەۆمونيادان ەمدەلۋدە، ونىڭ بەسەۋى جان ساقتاۋ بولىمىندە جاتىر. سوندىقتان وتتەگى كونتسەنتراتورى بىزگە وتە قاجەت بولاتىن. قۇرىلعىنىڭ مۇمكىندىگى زور. اتالعان اپپاراتتاردى ءبىر تاۋلىكتە جەتكىزىپ، كومەك كورسەتكەن دەمەۋشىگە اۋدان تۇرعىندارى اتىنان جانە دارىگەرلەر اتىنان ايتار العىسىمىز شەكسىز. ەندى دارىگەرلەر ەمدەلۋشىلەرگە وتتەگى كونتسەنتراتورىنىڭ كومەگىمەن ۋاقىتىلى جاردەم كورسەتە الادى،- دەيدى كەربۇلاق اۋداندىق اۋرۋحاناسىنىڭ ديرەكتورى قايرات ەرجانوۆ.

وسىنداي يگى ىسكە الاكول اۋدانىنىڭ قالتالى ازاماتارى دا ءوز ۇلەسىن قوسۋدا. كاسىپكەرلەر ەمدەۋ مەكەمەلەرىنە مەديتسينالىق قۇرال-جابدىقتاردى سىيعا تارتۋدا. سول ارقىلى جەرلەستەرىنىڭ ءومىرىن ساقتاپ قالۋعا بارىنشا ات سالىسۋدا. ولار ىندەتكە شالدىققان ناۋقاستاردىڭ ەمىنە شيپا بولار دەگەن سەنىممەن قولداۋ كورسەتىپ، 11 وتتەگى كونتسەنترانتىن تابىس ەتتى.

 

الماتى وبلىسى

سوڭعى جاڭالىقتار

ەلگە كەرەك ەكى كىتاپ

رۋحانيات • بۇگىن، 08:52

«عارىشقا اپارار جول»

رۋحانيات • بۇگىن، 08:50

العاشقى عارىش ايلاعى

وقيعا • بۇگىن، 08:48

تاريحي جەرلەردىڭ تاعىلىمى بولەك

رۋحانيات • بۇگىن، 08:30

شيرەك فينالدا ءسۇرىندى

تەننيس • بۇگىن، 08:11

ەل-كلاسيكودا جەڭىسكە جەتتى

فۋتبول • بۇگىن، 08:06

رۋحى بيىك ەل ەشقاشان جەڭىلمەيدى

رۋحانيات • بۇگىن، 08:05

يزرايلدەن باسىم ءتۇستى

سپورت • بۇگىن، 08:04

عىلىمنىڭ جاڭا بەلەسى

عىلىم • بۇگىن، 08:01

ۇلتتىق ۇردىستەر ۇزىلمەيدى

قازاقستان • كەشە

ۇقساس جاڭالىقتار