ايماقتار • 24 شىلدە، 2020

تۇركىستاندا ءدارى-دارمەكتى جوعارى باعامەن ساتقان تۇرعىندار انىقتالدى

69 رەت كورسەتىلدى

تۇركىستان وبلىسىنىڭ پوليتسەيلەرى ءدارى-دارمەكتەردى جوعارى باعامەن ساتۋدىڭ كەزەكتى فاكتىلەرىن انىقتادى. بۇل تۋرالى Polisia.kz حابارلايدى، دەپ جازادى Egemen.kz

تۇركىستان وبلىسىنىڭ پوليتسەيلەرى كارانتين كەزىندە جوعارى سۇرانىسقا يە دارىلىك زاتتاردى ساتۋ فاكتىلەرىن انىقتاۋ بويىنشا كەزەكتى رەيدكە شىقتى. كۇن سايىن پوليتسەيلەر، دەنساۋلىق ساقتاۋ جانە جەرگىلىكتى ورگاندار وكىلدەرىنەن تۇراتىن موبيلدىك توپتار نەگىزسىز جوعارى باعامەن ءدارى-دارمەكتەردى زاڭسىز ساتۋدىڭ جولىن كەسۋ بويىنشا مونيتورينگ پەن رەيدتىك ءىس-شارالاردى جۇزەگە اسىرادى. بۇدان بولەك، موبيلدىك توپتار كارانتين كەزىندە بەتپەردەلىك رەجيمىن جانە باسقا دا سانيتارلىق قاۋىپسىزدىك نورمالارىن ساقتاۋ ءۇشىن پروفيلاكتيكالىق جانە ءتۇسىندىرۋ جۇمىستارىن جۇرگىزەدى.

مىسالى، ارىس اۋدانىندا موبيلدىك توپ ءدارىحانالاردىڭ ءبىرىن تەكسەرۋ كەزىندە بىرقاتار زاڭ بۇزۋشىلىقتاردى انىقتادى. بۇل ءدارىحانا سانيتارلىق نورمالاردى ساقتاماعان، تالاپقا ساي كەلمەيدى، ازىق-ت ۇلىك دۇكەنىمەن ءبىر عيماراتىڭ ىشىندە ورنالاسقان. ءدارىحانا قىزمەتكەرى ءدارى-دارمەكتەر ءتيىستى ليتسەنزياسىز ساتقان. تەكسەرۋ بارىسىندا موبيلدىك توپ ساتۋشىدان 400-گە جۋىق ورامنان 140 ءتۇرلى ءدارى-دارمەك تاركىلەدى.

سول كۇنى ارىس اۋداندىق پوليتسيا بولىمىنە جەرگىلىكتى ءدارىحانالاردىڭ بىرىندە ءدارى-دارمەكتەردى جوعارى باعامەن ساتاتىنى تۋرالى حابارلاما كەلىپ ءتۇستى. تەكسەرۋ بارىسىندا ءدارىحانانىڭ ساتۋشىسى "نوۆيگان نەو" جانە "نيمەسۋليد" دارىلەرىن جوعارى باعامەن ساتقانى انىقتالدى. بارلىق جيناقتالعان ماتەريالدار ءتيىستى شەشىم قابىلداۋ ءۇشىن قر دەنساۋلىق ساقتاۋ مينيسترلىگىنىڭ تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنە جىبەرىلەدى.

سارىاعاش اۋدانىنىڭ پوليتسيا بولىمىنە سارىاعاش قالاسىندا بەلگىسىز ادامدار ءدارى-دارمەكتەردى جوعارى باعامەن ساتاتىنى تۋرالى حابارلاما تۇسكەن. جەدەل-ىزدەستىرۋ ءىس-شارالارىن جۇرگىزۋ بارىسىندا، جەرگىلىكتى تۇرعىننىڭ "مەروپەنەمنىڭ" 50 قاپتاماسىن ءتيىستى قۇجاتسىز 590 مىڭ تەڭگەگە ساتىپ جاتقان جەرىنەن ۇستادى. ءتارتىپ ساقشىلارى ايعاقتى زاتتاردى تاركىلەپ الىپ، جىگىتتى پوليتسيا بولىمىنە جەتكىزدى. اتالعان جايت سارىاعاش اۋداندىق پوليتسيا بولىمىنە تىركەلىپ، تەكسەرۋ جۇرگىزىلۋدە.

ءتارتىپ ساقشىلارى ماقتاارال اۋدانىندا تاعى ءبىر ءدارى-دارمەكتەردى جوعارى باعامەن ساتۋ وقيعاسىن انىقتادى. پوليتسياعا جەرگىلىكتى تۇرعىن اتاكەنت كەنتىندەگى ءدارىحانادا ءدارى-دارمەكتەردى بەلگىلەنگەن باعادان قىمبات ساتىپ جاتقانى تۋرالى ارىزدانعان. پوليتسيا قىزمەتكەرلەرى ءدارىحانا قىزمەتكەرى "اسكوربين قىشقىلىنىڭ" ەكى بۋماسىن 1400 تەڭگەدەن ساتقانىن انىقتادى (بەلگىلەنگەن باعاسى – 700 تەڭگە). جيناقتالعان ماتەريالداردى پوليتسەيلەر زاڭدى شەشىم قابىلداۋ ءۇشىن تۇركىستان وبلىسى بويىنشا فارماتسەۆتيكالىق باقىلاۋ بولىمىنە جولدادى.

تۇركىستان وبلىسىنىڭ پوليتسەيلەرى تۇرعىندارعا كارانتين مەن بەتپەردەلىك رەجىمىن ساقتاۋ قاجەتتىلىگى تۋرالى ەسكەرتەدى. سونداي-اق الەۋمەتتىك قاشىقتىقتى ۇستاپ، ۇيدەن شىقپاڭىزدار. كوروناۆيرۋستىق ينفەكتسيانىڭ تارالۋ قاۋپىنە بايلانىستى كارانتين ەرەجەلەرىن بۇزباڭىزدار. ءوزىڭىزدى جانە جاقىندارىڭىزدى ساقتاڭىزدار!

سوڭعى جاڭالىقتار

كۇيدەن تۋعان ولەڭ

رۋحانيات • بۇگىن، 20:50

گوشە رەاكتسياسى

قوعام • بۇگىن، 20:48

سۋ تاسقىنىنىڭ الدىن الۋ جۇمىستارى

توتەنشە جاعداي • بۇگىن، 20:40

افريكاداعى قازاق كينوسى

كينو • بۇگىن، 20:34

تارازى باسى تەڭ

سپورت • بۇگىن، 20:30

العاشقى كۇنى – ەكى قولا

سپورت • بۇگىن، 20:25

التىننان القا تاقتى

سپورت • بۇگىن، 20:25

ۇقساس جاڭالىقتار