بۇگىن, 2020 جىلعى 24 شىلدەدەگى الماتى قالاسىنىڭ تۇركسىب سوتى قازاقستان رەسپۋبليكاسى ساۋدا جانە ينتەگراتسيا مينيسترلىگى تۇتىنۋشىلاردىڭ قۇقىقتارىن قورعاۋ كوميتەتىنىڭ (بۇدان ءارى – تققك) Bek Air اق اۋەكومپانياسىنا جويىلعان رەيستەرگە بيلەتتەردىڭ قۇنىن قايتارۋ جونىندەگى ەكىنشى تالابىن قاناعاتتاندىردى.
تققك 81 ادامنىڭ مۇددەسىن قورعاپ (177 بيلەتتى ساتىپ الىنعان), تالاپ ارىز 5,9 ملن تەڭگەنى قۇرادى. ەسكە تۇسىرەمىز, ەكىنشى تالاپ-ارىز 2020 جىلعى 3 شىلدەدە بەرىلدى.
تققك-ڭ تالاپ-ارىزدارى:
- Bek Air اق قىزمەتىن تۇتىنۋشىلاردىڭ كىناسىنسىز جويىلعان اۆيارەيستەرگە بۇرىن ساتىپ الىنعان بيلەتتەردىڭ تولىق قۇنىن وتەۋ قۇقىعىن تانۋ
- جاۋاپكەرگە تۇتىنۋشىنىڭ كىناسىنسىز جويىلعان اۆيارەيستەرگە بۇرىن ساتىپ الىنعان بيلەتتەردىڭ تولىق قۇنىن وتەۋگە ماجبۇرلەۋ.
- Bek Air اق-نان تۇتىنۋشىلار پايداسىنا اۆيابيلەتتەر ءۇشىن تولەنگەن سومانى ءوندىرىپ الۋ.
سوت شەشىمى زاڭدى كۇشىنە ەنگەننەن كەيىن تققك تۇتىنۋشىلارعا اقشا قاراجاتىن تەز ارادا قايتارۋعا جاردەمدەسەتىن بولادى.
ۋاكىلەتتى ورگان رەتىندە تققك قازاقستاندىقتاردى ودان ءارى قورعاپ, بۇزىلعان تۇتىنۋشىلىق قۇقىقتارىن قالپىنا كەلتىرۋگە جاردەمدەسەتىن بولادى.
