سەيفۋللين كوشەسىندە اپاتتى دەپ تانىلىپ, سۇرىلگەن ەكى ءۇيدىڭ ورنىنا جايلى دەمالىس ورنى پايدا بولدى: اسفالت توسەلىپ, بالالار ويىن الاڭدارى, ورىندىقتار ورناتىلىپ, جارىقتاندىرىلدى. ماۋسىمنىڭ باسىندا باستالعان قوعامدىق كەڭىستىك قۇرىلىسى بىرنەشە كۇن بۇرىن اياقتالدى.
ء"بىز تۇرعىندارمەن جاڭا دەمالىس ورنىندا كورگىسى كەلەتىن نارسەلەر تۋرالى الدىن الا كەلىسىپ, قوعامدىق پىكىردى تىڭداپ, تالقىلادىق. ورناتىلعان جابدىقتاردىڭ 90%-ى جەرگىلىكتى مازمۇنعا يە. "جۇمىسپەن قامتۋدىڭ جول كارتاسى" اياسىندا جۇمىسشىلار تارتىلۋدا", دەدى سارىارقا اۋدانىنىڭ اباتتاندىرۋ جانە قوعامدىق كەڭىستىكتى دامىتۋ ءبولىمىنىڭ باسشىسى ازامات ماشەنوۆ.
قازىرگى ۋاقىتتا سارىارقا اۋدانىندا ەكى جاڭا قوعامدىق ورىن پايدا بولدى. جىل سوڭىنا دەيىن تاعى 12 ورىندى اباتتاندىرۋ جوسپارلانعان. مۇنداي اباتتاندىرۋ جۇمىستارى قالانىڭ بارلىق اۋداندارىندا جۇرگىزىلۋدە. بيىل نۇر-سۇلتاندا 150 اۋلا مەن 50 قوعامدىق ورىن, سونىڭ ىشىندە الماتى اۋدانىندا – 33, بايقوڭىردا – 70, ەسىلدە – 20, سارىارقادا – 40 اباتتاندىرۋ جوسپارلانعان.
