بۇگىن وسى ماسەلەگە بايلانىستى الماتى اكىمى تومەندەگىدەي مالىمدەمە جاسادى.
قالا اكىمىنىڭ ايتۋىنشا, پوليتسياعا زيرات قىزمەتكەرلەرىنىڭ زاڭبۇزۋشىلىعىن ايتىپ, 8 ادام جۇگىنگەن. زيرات قىزمەتكەرلەرى ولاردى بەكىتىلگەن سومادان بولەك 70-80 مىڭ تەڭگە تولەۋگە ماجبۇرلەگەن. قازىر وسى ءىس بويىنشا 2 ادام ۇستالدى. "قالادا مەديتسينالىق زاتتار مەن ءدارى-دارمەك باعاسىن شارىقتاتقان الىپساتارلار ۇستالدى. ولار ەڭ قاجەت بۇيىمداردى كوتەرمە باعامەن كوپ مولشەردە ساتىپ العان. سوسىن ينتەرنەت ارقىلى حابارلاندىرۋ بەرگەن. قالالىق پوليتسيامەن بىرىگە وتىرىپ, كليەنت رەتىندە حابارلاسىپ, كەزدەسۋدەن سوڭ ولاردى اشكەرەلەۋمەن اينالىستىق. وسىلايشا 8,5 ملن تەڭگەگە ءدارى-دارمەك تاركىلەدىك", - دەدى اكىم.
زاڭسىز ءدارى ساۋداسىنىڭ جولىن كەسۋ ءۇشىن پوليتسيا, ەكونوميكالىق تەرگەۋ دەپارتامەنتى, تاۋارلار مەن قىمەتتەردىڭ ساپاسى مەن قاۋىپسىزدىگىن قاداعالاۋ دەپارتامەنتىنىڭ ماماندارىنان ءموبيلدى توپ قۇرىلدى. بۇل توپ 100-گە جۋىق جۋىق قۇقىقبۇزۋشىلىقتى انىقتادى. ونىڭ 24-ءى بويىنشا قىلمىستىق ءىس قوزعالدى. 986 قاپتاما "لەۆوتسين", "ينگاۆيرين", "فراكسيپارين", "ازيتروميتسين", 8,5 ملن مەديتسينالىق ماسكا تاركىلەندى. 39 ادام اكىمشىلىك جاۋاپەرشىلىككە تارتىلدى.
