باتىس قازاقستان وبلىسىندا 2020 جىلدىڭ العاشقى جارتىجىلدىعى ىشىندە سىبايلاس جەمقورلىقتىڭ جاي-كۇيى تۋرالى ەسەپ بەرگەن قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگىنىڭ باتىس قازاقستان وبلىسى بويىنشا دەپارتامەنتى باسشىسىنىڭ ءبىرىنشى ورىنباسارى نۇرداۋلەت سامەت وڭىردە التى اي ىشىندە 98 قىلمىس تىركەلگەنىن ايتتى. ياعني, مۇنداي قىلمىستار وتكەن جىلعى دەڭگەيدەن ازايماي وتىر.
تىركەلگەن سىبايلاس جەمقورلىق قىلمىستاردىڭ باسىم بولىگى پاراقورلىقپەن بايلانىستى. سونداي-اق ۇرلىق پەن الاياقتىققا قاتىستى 20 قىلمىس انىقتالعان. تەرگەۋ ورىندارى بارلىعى 120 سىبايلاس جەمقورلىق قىلمىستىق ءىسءتى قاراپ, ونىڭ 66-سىن سوتقا جولدادى. سىبايلاس جەمقورلىق قىلمىستارى ءۇشىن 21 تۇلعا سوتتالدى. 2 ادام باس بوستاندىعىنان ايىرىلىپ, 1 ادامنىڭ باس بوستاندىعى شەكتەءلدى. 18 تۇلعاعا جالپى سوماسى 27 ميلليون تەڭگەدەن ارتىق ايىپپۇل سالىندى. تەرگەۋى اياقتالعان قىلمىستىق ىستەر بويىنشا كەلتىرىلگەن زيان جالپى مولشەرى 612 ملن. تەڭگە بولسا, ونىڭ 99,3%-ى, ياعني 607,7 ملن. تەڭگەءسى وتەلگەن.
"مەملەكەت باسشىسى قاسىم-جومارت توقاەۆ ۇكىمەت پەن قۇقىق قورعاۋ ورگاندارىنا ءدارىحانالاردا ومىرلىك ماڭىزدى ءدارى-دارمەكتەر باعاسىنىڭ نەگىزسىز كوتەرىلۋ فاكتىلەرىنە جول بەرمەۋدى تاپسىرعان بولاتىن. سىبايلاس جەمقورلىققا قارسى قىزمەت ورىندارى وسى باعىتتا بىرقاتار اۋقىمدى جۇمىس اتقاردى. اتاپ ايتقاندا, كارانتين كەزىندە وڭىردە فارماتسەۆتيكالىق قىزمەتتىڭ دۇرىس جۇزەگە اسىرىلۋىن قامتاماسىز ەتۋ ماقساتىندا وبلىستىق جانە اۋداندىق دەڭگەيلەردە ارنايى مونيتورينگتىك توپتار قۇرىلدى. ولتوپتار وبلىس كولەمىندە 300-دەن استام دارىحاناعا مونيتورينگ جۇرگىزدى", - دەيدى نۇرداۋلەت ءىلياس ۇلى.
14 شىلدە كۇنى دەپارتامەنتتىڭ كەزەكشىلىك بولىمىنە كارانتين كەزىندە ورال قالاسىنىڭ ءدارىحانالارىندا جوق ينگاۆيرين, تسەفترياكسون, ازيتريميتسين سىندى دارىلىك پرەپاراتتاردى زاڭسىز ساتىپ جۇرگەن ازامات تۋرالى ارىز كەلىپ ءتۇسكەن ەكەن. سول كۇنى-اق اقپارات تەكسەرىلىپ, ماماندار بەلگىسىز ازاماتتان 5 قوراپ ينگاۆيرين, 5 قوراپ ازيتريميتسين جانە 38 امپۋلاتسەفترياكسون ءدارىسىن 66 830 تەڭگەگە ساتىپ العان. وسىلايشا اقپارات دالەلدەندى. الىپساتار قولعا ءتۇسىپ, وعان اكىمشىلىك قۇقىق بۇزۋشىلىق كودەكسىنىڭ بىرنەشە بابى بويىنشا ايىپ تاعىلعان.
"قازىرگى كەزدە الىپساتارعا ليتسەنزياسىز قىزمەت كورسەتۋ بابى بويىنشا ايىپپۇل سالىندى. ال تىركەلمەگەن پرەپاراتتاردى ساۋداعا سالۋ بابى بويىنشا ءىس سوتتا قارالۋدا", - دەيدى دەپارتامەنت باسشىسىنىڭ ورىنباسارى.
مەملەكەت باسشىسىنىڭ تاپسىرماسىنا سايكەس, covid-19 ىندەتىنە وراي وڭىرگە كەلگەن گۋمانيتارلىق كومەكتى تۇتىنۋشىعا كەدەرگىسىز جەتكىزۋ ءىسى دە سىبايلاس جەمقورلىققا قارسى ءىس-قيمىل اگەنتتىگىنىڭ ءجىتى باقىلانۋىندا.
بۇگىندە كاتاردان, دۇنيەجۇزىلىك دەنساۋلىق ساقتاۋ ۇيىمىنان, قىتايدان, رەسەي فەدەراتسياسىنان جانە وزبەكستاننان گۋمانيتارلىق كومەك كەلگەن. ونىڭ ىشىندە "كوروناۆيرۋس" ءدارىسى جانە جەكە قورعانىس قۇرالدارى بار. بۇل پرەپاراتتار الىپساتارلاردىڭ قولىنا ءتۇسىپ كەتپەۋى ءۇشىن ءاربىر ءدارى-دارمەك پەن جەكە قورعانىس قۇرالىنا "تەگىن.بقو. گۋمانيتارلىق كومەك" دەگەن ءمورتاڭبا باسىلعان. بۇل گۋمانيتارلىق كومەك سىبايلاس جەمقورلىققا قارسى قىزمەتءىنىڭ وبلىستىق دەپارتامەنتى, "حالىقتىق باقىلاۋ" كوميتەتى جانە قوعام وكىلدەرى مەن ەرىكتىلەردىڭ قاتىسۋىمەن وبلىستىق, قالالىق جانە اۋداندىق اۋرۋحانالارعا, پروۆيزورلىق ستاتسيونارلارعا ءبولىنىپ جەتكىزىلۋدە.
سىبايلاس جەمقورلىققا قارسى قىزمەت مەكەمەسىنىڭ مالىمدەۋىنشە, وڭىردە سىبايلاس جەمقورلىق قىلمىسى ىشكى ىستەر ورگاندارىندا, سونىڭ ىشىندە پاترۋلدىك پوليتسيا باتالونىندا ەڭ كوپ تىركەلگەن. ىشكى ىستەر ورگاندارىنىڭ 9 قىزمەتكەرى, اتاپ ايتقاندا بقو پوليتسيا دەپارتامەنتى پاترۋلدىك پوليتسيا باتالونىنىڭ كومانديرى مىرزاعاليەۆ پەن پاترۋلدىك پوليتسيا ينسپەكتورى جول قوزعالىسى ەرەجەلەرىن بۇزعان جۇرگىزۋشىلەردەن پارا العانى ءۇشىن سوتتالىپ, ءارتۇرلى مولشەردە ايىپپۇلعا تارتىلعان.
