– ءدارى-دارمەك تاپشىلىعىن شەشۋ ءۇشىن اكىمدىك تاراپىنان 5 ملرد تەڭگە ءبولىندى. سونىمەن قاتار كوروناۆيرۋسپەن ەمدەۋ ستاتسيونارلارىن دارىلىك پرەپاراتتارمەن قامتاماسىز ەتۋ ءۇشىن رەزەرۆتىك قوردى قالىپتاستىرۋعا تاعى 5 ملرد تەڭگە ءبولىندى, – دەيدى قالا باسشىسى.
الماتى شاھارىندا ءدارى-دارمەكتەردىڭ جارتىجىلدىق قورىن قالىپتاستىرۋ بويىنشا بەلسەندى جۇمىستار جۇرگىزىلىپ وتىر. بۇل ءدارىحانالار مەن ينفەكتسيالىق ستاتسيونارلارعا قاجەتتى ءدارى-دارمەكتەردى جەتكىزۋدە كەدەرگىلەردى بولدىرماۋعا مۇمكىندىك بەرەدى.
قالا باسشىسىنىڭ ايتۋىنشا, بارلىق مەديكامەنت فارمكومپانيالاردىڭ قويماسىندا ساقتالادى. قاجەت كەزدە ولار ماقساتىنا قاراي قولدانىلادى. بۇگىنگى تاڭدا قالا تۇرعىندارىنىڭ اراسىندا دۇرلىگۋ باسىلدى. قازىر قالاداعى بارلىق ءدارىحانادا دەنە قىزۋىن تۇسىرەتىن, قابىنۋعا قارسى پرەپاراتتاردىڭ بەلگىلى قورى بار ەكەنىن اتاپ ءوتتى.
