ايماقتار • 23 شىلدە، 2020

ب.ساعىنتاەۆ: باستىسى – ىندەتپەن كۇرەسۋ، قالعان شىعىندار قىسقارادى

11 رەت كورسەتىلدى

بۇل تۋرالى قالا اكىمى باقىتجان ساعىنتاەۆ "الماتى" تەلەارناسىندا وتكەن Akimat Live باعدارلاماسىنىڭ تىكەلەي ەفيرىندەگى سۇراقتارعا جاۋاپ بەرگەن كەزدە مالىمدەدى، - دەپ جازادى Egemen.kz.

قالا اكىمى ءبىرىنشى كەزەكتە كوروناۆيرۋسقا قارسى كۇرەس ەكەنىن اتاپ ءوتتى. وسىعان بايلانىستى بيۋدجەتتىڭ بارلىق باسىم ەمەس شىعىندارى قىسقارىپ، قاراجات كوۆيدكە قارسى شارالارعا باعىتتالادى.

اكىمنىڭ ايتۋىنشا، بۇرىن جوسپارلانعان قۇرىلىس جوبالارىن كەلەسى جىلعا قالدىرۋعا بولادى.

"پاندەميا باستالعاننان كەيىن ءبىز بىردەن بارلىعىن (پاندەميامەن كۇرەسكە قاتىسى جوق جوبالاردى) توقتاتتىق. كەلەسى جىلعا دەيىن پاندەميا سوزىلمايدى دەپ ۇمىتتەنەمىز. كەلەسى جىلى جەڭىل بولادى جانە ءبىز جوسپارلانعان قۇرىلىس جوبالارىن قايتا جانداندىرامىز"، - دەدى اكىم. سونداي-اق ول سپورتتىق-مادەني ءىس-شارالار توقتاتىلعانىن اتاپ ءوتتى.

جالپى، كوروناۆيرۋسپەن كۇرەسكە (اعىمداعى جىلدىڭ ناۋرىز ايىنان باستاپ) شامامەن 60 ملرد تەڭگە ءبولىندى، ونىڭ ىشىندە ۇكىمەت تاراپىنان 11،5 ملرد تەڭگە ءبولىندى. بۇل قاراجات مىناداي شارالاردى ىسكە اسىرۋعا باعىتتالدى: الەۋمەتتىك ماڭىزى بار ازىق-ت ۇلىك تاۋارلارىنا باعانى تۇراقتاندىرۋ; جەكە قورعانىس قۇرالدارىن ساتىپ الۋ; كىرەبەرىستەردى، اۋلا اۋماقتارىن جانە كوشەلەردى دەزينفەكتسيالاۋ جانە ت. ب.

سونىمەن قاتار، وسى جىلدىڭ 16 شىلدەسىندە ءماسليحات اعىمداعى جىلدىڭ قالالىق بيۋدجەتىن ناقتىلاۋ تۋرالى قاۋلى قابىلدادى، ونىڭ اياسىندا كۆي-مەن كۇرەسۋگە 30 ميللياردتان استام تەڭگە ءبولىندى.

ونىڭ ىشىندە كوۆيدتى گوسپيتالداردى دارىلىك پرەپاراتتارمەن قامتاماسىز ەتۋ ءۇشىن تۇراقتاندىرۋ جانە رەزەرۆتىك قورلار قۇرۋعا جانە فارماتسەۆتيكالىق كومپانيالارعا پايىزسىز كرەديت بەرۋگە باعىتتالعان.

سونداي-اق "حالىق ارەنا" بازاسىندا جۇمىس ىستەپ تۇرعان جانە قۇرىلىپ جاتقان كوۆيدتى ستاتسيونارلار، وقكا رەانيماتسياسى، كلينيكالىق-دياگنوستيكالىق زەرتحانا جانە جۇقپالى اۋرۋلار اۋرۋحاناسى ءۇشىن مەديتسينالىق جابدىقتار ساتىپ الۋعا قاراجات ءبولىندى.

سوڭعى جاڭالىقتار

ۇقساس جاڭالىقتار