فۋتبول • 23 شىلدە، 2020

«التىن دوپ» جۇلدەسى تاپسىرىلمايدى

11 رەت كورسەتىلدى

France Football باسىلىمى پاندەمياعا بايلانىستى داستۇرگە اينالعان «التىن دوپ» سىيلىعىن تاپسىرۋ ءراسىمىن بيىل وتكىزبەيتىنىن مالىمدەدى.

1956 جىلدان بەرى جىلدىڭ ەڭ ۇزدىك فۋتبولشىسىنا بەرىلەتىن «التىن دوپ» جۇلدەسى العاشىندا ەۋروپا كلۋبتارىندا وينايتىن كارىقۇرلىق وكىلدەرىنە عانا بەرىلەتىن. سوندىقتان بۇل سىيلىق مارادونا جانە پەلە سياقتى تاعى باسقا فۋتبولشىلارعا بۇيىرمادى. تەك 1995 جىلى عانا ەرەجە وزگەرىپ، ەۋروپا كلۋبتارىندا وينايتىن كەز كەلگەن ەلدىڭ فۋتبولشىسىنا بەرىلەتىن بولدى. ال 2007 جىلدان بۇگىنگە دەيىنگى ەرەجە بويىنشا ەندى «التىن دوپتى» الەمنىڭ كەز كەلگەن كومانداسىندا ونەر كورسەتەتىن فۋتبولشى ۇلتىنا قاراماي الا بەرەدى.

France Football باسىلىمىنىڭ «التىن دوبىن» ەڭ كوپ جەڭىپ العان فۋتبولشىلاردىڭ قاتارىندا يوحان كرويفف (نيدەرلاند، 1971، 1973، 1974)، ميشەل پلاتيني (فران­تسيا، 1983، 1984، 1985)، ماركو ۆان باستەن (نيدەرلاند، 1988، 1989، 1992) جانە كريش­تيانۋ رونالدۋ (پورتۋگاليا، 2008، 2016، 2017) بار. ارگەنتينا قۇراماسىنىڭ شابۋىلشىسى ليونەل مەسسيدىڭ قورجىنىندا ەكى جۇلدە بار (2009، 2019). ايتا كەتۋ كەرەك، France Football 2010-2015 جىلدار ارالىعىندا فيفا-مەن بىرلەسە تاپسىرعان «التىن دوپ» بويىن­شا ستاتيستيكا بولەك ەسەپتەلەدى.

 

 

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار