ەكولوگيا • 22 شىلدە، 2020

مويىنقۇم اۋدانىنداعى قىزىل جالىن ءتورت تاۋلىك بويى سوندىرىلۋدە

28 رەت كورسەتىلدى

الدىڭعى اقپاراتتاردا ايتقانىمىزداي، 18 شىلدەدەن باستاپ جامبىل وبلىسى مويىنقۇم اۋدانى قارابوگەت اۋىلىنان 50 شاقىرىم قاشىقتىقتا "مويىنقۇم ورمان جانە جانۋارلار دۇنيەسىن قورعاۋ جونىندەگى مەكەمەسى" كمم اۋماعىندا قۇمدى جەردەگى قۇرعاق ءشوپ پەن سەكسەۋىلدىڭ جانۋىن ءسوندىرۋ جالعاسۋدا. بۇل تۋرالى ءىىم تج كوميتەتى حابارلايدى، دەپ جازادى Egemen.kz

ءورتتى اۋىزدىقتاۋعا تجد، "مويىنقۇم، بايزاق، مەركى، قوسقۇدىق، قورداي جانە جۋالى ورمان جانە جانۋارلار دۇنيەسىن قورعاۋ مەكەمەلەرى" كمم، مويىنقۇم اۋدانىنىڭ ەرىكتى ءورت ءسوندىرۋ قۇرىلىمدارىنان 233 ادام جانە 50 بىرلىك تەحنيكا، "قازاۆياورمانكۇزەتى" رمك مي-2 تىكۇشاعى جۇمىلدىرىلدى.

21 شىلدەدە تۇندەگى جاعداي بويىنشا ءورتتىڭ الدىن الا اۋدانى 34 مىڭ گا قۇرادى. ەلدى مەكەندەرگە قاۋىپ جوق. بارلىق كۇشتەر مەن قۇرالدار قاراۋىلداۋ جۇمىستارىن جۇرگىزۋدە. ءورت ورنىندا ەكپىنى سەكۋندىنا 10 مەترە دەيىن جەتەتىن جەل تۇر، اۋا تەمپەراتۋراسى +36 گرادۋس. اعىمداعى جىلدىڭ 21 شىلدەسىندە 33 تابيعي ءورت وقيعاسى تىركەلدى.

شىعىس قازاقستان، جامبىل، قاراعاندى جانە تۇركىستان وبلىستارىنداعى 13 تابيعي ءورت تجك باقىلاۋىندا، وندا ورتتەردى جويۋ بويىنشا شارالار قابىلدانۋدا.    

بۇدان باسقا، وتكەن تاۋلىكتە اقتوبە، شىعىس قازاقستان، جامبىل، باتىس قازاقستان، قاراعاندى، قوستاناي پاۆلودار، سولتۇستىك قازاقستان وبلىستارىنداعى تابيعي ورتتەر جويىلدى. اتالعان وڭىرلەردە وت شارپىعان اۋماقتىڭ جالپى اۋدانى 403 گا قۇرادى. ءورتتى جويۋعا تجد، ەرىكتى ءورت ءسوندىرۋ قۇرامالارىنىڭ، ورمان شارۋاشىلىقتارىنىڭ كۇشتەرى مەن قۇرالدارى جۇمىلدىرىلدى.

سوڭعى جاڭالىقتار

ۇقساس جاڭالىقتار