ايماقتار • 22 شىلدە، 2020

قوستاناي وبلىسىندا ورمان ءورتى جيىلەپ كەتتى

23 رەت كورسەتىلدى

اپشىنى قۋىرعان اپتاپ ىستىقتىڭ سالدارىنان ايماق ورماندارىندا  ءورت قاۋپى كۇشەيىپ كەتتى. توتەنشە جاعداي قىزمەتكەرلەرىنىڭ ايتۋىنشا، قارا ورماننىڭ قىزىل جالىنعا ورانۋىنا تابيعي قۇبىلىستارمەن قاتار، ورمانعا شىعۋعا شەكتەۋ قويىلعانىنا قاراماستان قالانىڭ قاپىرىعىنان قاشىپ، تابيعات اياسىن سايالاعان دەمالۋشىلار دا سەبەپ بولۋدا، - دەپ جازادى Egemen.kz

كۇنى كەشە عانا قارابالىق، ناۋىرزىم، اۋليەكول جانە جىتىقارا اۋداندارىندا جەرگە تۇسكەن جاسىن سىنىعىنان 5 بىردەي ورمان ءورتى شىعىپ، ابىروي بولعاندا بارلىعى دەر كەزىندە ءسوندىرىلدى. ءتىلسىز جاۋ جالپى اۋدانى 56،47 گا ورمان القابىن شارپىپ ۇلگەرگەنمەن، ەلدى مەكەندەرگە قاۋىپ توندىرە العان جوق.

ء"ورت وشاقتارىنا وبلىستىق توتەنشە جاعداي دەپارتامەنتىنىڭ ءورت سوندىرۋشىلەرى مەن ورمان شارۋاشىلىعىنىڭ قىزمەتكەرلەرى شىقتى. قىزىل جالىندى اۋىزدىقتاۋعا تجق 8 قىزمەتكەرى مەن 2 تەحنيكاسى، ورمان شارۋاشىلىقتارى تاراپىنان 26 تەحنيكا مەن 64 جۇمىسشى قاتىستى. زارداپ شەككەندەر جوق. ءورت سوندىرۋشىلەر مەن قۇتقارۋشىلاردىڭ ءابجىل قيمىلىنىڭ ارقاسىندا ورماندى شارپىپ ەندى كۇشەيىپ بارا جاتقان ءورت دەر كەزىندە ءسوندىرىلدى"، - دەپ حابارلادى تج دەپارتامەنتىنىڭ ءباسپاسوز قىزمەتى.   

 

 

سوڭعى جاڭالىقتار

ۇقساس جاڭالىقتار