"Nur Otan" پارتياسىنىڭ تۇركىستان وبلىستىق فيليالى پاندەمياعا قارسى كۇرەستى كۇشەيتۋ ماقساتىندا ء"ومىر" جانە "شيپا" جوبالارىن قولعا العان بولاتىن. وسى ارقىلى وڭىردەگى اۋرۋحانالارعا جاساندى تىنىس الۋ اپپاراتتارىن جانە مۇقتاج وتباسىلارعا ءدارى-دارمەك جەتكىزۋ كوزدەلگەن.
بۇگىن اۋداندارعا ءدارى-دارمەك جونەلتىلدى. "Jas Otan" جاستار قاناتى تۇركىستان وبلىستىق فيليالىنىڭ توراعاسى جانسەرىك جۇماننىڭ ايتۋىنشا, ەل ازاماتتارى مەن كاسىپكەرلەر جوبالارعا قىزۋ قولداۋ كورسەتىپ جاتىر.
"بۇگىن " شيپا" جوباسى بويىنشا اۋدان, قالالارداعى مۇقتاج وتباسىلارعا ءدارى-دارمەك-ءدارى-دارمەك جولداپ وتىرمىز. ەرىكتى جاستار بۇل باستاماعا قولداۋ كورسەتۋدە. ءبىز وسىنداي قادامدار ارقىلى تۇرعىندارعا كومەك قولىن سوزۋدى ماقسات تۇتتىق. پارتيا فيليالىنا, "نۇروتاندىق" دەپۋتاتتارعا, دەمەۋشى اعالارعا, ۆولونتەر جاستارعا العىسىمىز مول",-دەيدى ول.
