جۇك الماتى قالاسى سىبايلاس جەمقورلىققا قارسى قىزمەتىنىڭ قاتىسۋىمەن سۇرىپتالىپ, ادرەساتتارعا جىبەرىلدى. گۋمانيتارلىق جۇكتەردى ءتۇسىرۋ جانە قابىلداۋ پروتسەسىنە قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگىنىڭ وكىلدەرى, قالانىڭ قوعام قايراتكەرلەرى جانە "اكسەلەراتور دوبرا - ىزگىلىك ەلشىسى" ەرىكتىلەر قوزعالىسىنىڭ جەتەكشىسى, اباي اتىنداعى قازۇپۋ سوربوننا-قازاقستان ينستيتۋتىنىڭ ديرەكتورى اينۇر ءسابيتوۆا قاتىستى.
اباي اتىنداعى قازۇپۋ ەرىكتىلەرى جۇكتەرگە "بەسپلاتنو - تەگiن" دەگەن بەلگىسى بار مورلەر قويدى. ءارى قاراي بەلسەندىلەر گۋمانيتارلىق جۇكتىڭ ادرەساتتارعا جەتكىزىلۋىنە مونيتورينگ جۇرگىزەتىن بولادى.
الماتى قالاسىندا كارانتين كەزەڭىندە اباي ۋنيۆەرسيتەتىنىڭ ەرىكتىلەرى سانيتارلىق-ەپيدەميولوگيالىق نورمالاردىڭ ساقتالۋىنا مونيتورينگ جۇرگىزۋ بويىنشا ءىس-شارالارعا دا قاتىستى. مونيتورينگ توبى - سىبايلاس جەمقورلىققا قارسى قىزمەت جانە الماتى قالاسى ىشكى ىستەر دەپارتامەنتىنىڭ وكىلدەرى, "ىزگىلىك ەلشىسى" ەرىكتىلەرى, ارنايى باقىلاۋ توپتارىنىڭ قوعامدىق بەلسەندىلەرى قوعامدىق تاماقتاندىرۋ كاسىپورىندارىنا (كافەلەر, مەيرامحانالار جانە ت.ب.) رەيد جۇرگىزدى. وسى رەيد بارىسىندا كەيبىر مەكەمەلەردە ءتارتىپ بۇزۋشىلىق, كارانتين نورمالارىنىڭ ساقتالماۋى, دالىرەك ايتقاندا, ساعات 23:00-دەن كەيىن جۇمىس ىستەۋى انىقتالدى. وسى فاكتىلەر بويىنشا اكتىلەر جاسالىپ, ۋچاسكەلىك پوليتسيا قىزمەتكەرلەرى شاقىرىلدى. قوعامدىق بەلسەندىلەر حالىق اراسىندا ءتۇسىندىرۋ جۇمىستارىن جۇرگىزدى.
بۇل اكتسيا ءبىر رەت ەمەس جانە بارلىق كارانتين كەزەڭىندە قۇقىق قورعاۋ ورگاندارىمەن جۇرگىزىلەتىن بولادى.
بارلىق سانيتارلىق - ەپيدەميولوگيالىق نورمالاردى, ماسكالىق رەجيمدى ساقتاۋ, ادامداردىڭ جينالۋىن بولدىرماۋ-وسىنىڭ بارلىعى پاندەميامەن كۇرەستە ماڭىزدى فاكتور بولىپ تابىلاتىنىن ەسكە سالامىز.
