ايماقتار • 22 شىلدە، 2020

جامبىل وبلىسىندا مۇقتاج وتباسىلارعا ءدارى-دارمەكتەر تاراتىلۋدا

114 رەت كورسەتىلدى

جامبىل وبلىسىندا مۇقتاج وتباسىلارعا پنەۆمونيا مەن كوروناۆيرۋسقا قارسى ءدارى-دارمەكتەر تاراتىلۋدا. تۇرعىندارعا قاجەتتى مىڭنان استام مەديتسينالىق پاكەت قامتىلعان. اتالعان اكتسيا ەمحانالارعا بەكىتىلگەن الەۋمەتتىك قورعالماعان توپتاردىڭ ازاماتتارىن قولداۋعا باعىتتالعان، - دەپ جازادى Egemen.kz

سونىمەن قاتار، تاراز قالاسى اكىمدىگىنىڭ قولداۋىمەن جانە "سۋپەر-فارم" جەرگىلىكتى كاسىپورنىنىڭ قارجىلاندىرۋىمەن تارازداعى 9 ەمحاناعا 560 ءدارى-دارمەك پاكەتى جەتكىزىلدى. ءبىر عانا №5 ەمحاناعا جەتكىزىلگەن ءدارى-دارمەكتىڭ جالپى قۇنى 27 ميلليون تەڭگەنى قۇرايدى. جەتكىزىلگەن ءدارى-دارمەكتەر قاتارىندا كسارەلتو، وسەلتاميۆير اكريحين، زيتروكس سەكىلدى قىمبات پرەپاراتتار دا بار. ولاردىڭ كەيبىرىنىڭ باعاسى 7 مىڭ تەڭگەدەن باستالادى. سونداي-اق، تاراتىلعان پاكەتتەردە شپريتستەر، سيستەمالار، سپيرتتىك سۇلگىلەر، كوروناۆيرۋس ينفەكتسياسى مەن پنەۆمونيانى ەمدەۋگە ارنالعان انتيبيوتيكتەر، دارۋمەندەر، انتيپيرەتيكالىق جانە قابىنۋعا قارسى دارىلەر بار. ءبىر پاكەت ءبىر اپتالىق ەمدەۋ كۋرسىنا ارنالعان. وزىندىك قۇنى بويىنشا باعاسى 7 825 تەڭگەنى قۇرايدى.

"بىزگە وبلىستىق دەنساۋلىق ساقتاۋ باسقارماسىنان قوڭىراۋ شالىپ، ءدارى-دارمەك الۋ ءۇشىن "سۋپەر-فارم" جاۋاپكەرشىلىگى شەكتەۋلى سەرىكتەستىگىنە بارۋ كەرەكتىگىن ايتتى. بۇل ءبىز ءۇشىن وتە جاعىمدى جاڭالىق بولدى. وتكەن جىلى كۇندىزگى ستاتسيونارلاردى قارجىلاندىرۋ جۇمىستارى باستالعان كەزدە الدىمىزدا قاۋىپتى ىندەت كۇتىپ تۇر دەپ ەشكىم دە ويلاعان جوق. سوندىقتان دا وسىنداي ماڭىزدى كومەكتىڭ ۋاقىتىلى كورسەتىلگەنى قۋانتادى"، دەيدى №1 تاراز قالالىق ەمحانانىڭ پروۆيزورى ۇلتاي قۇدياروۆا. سونىمەن قاتار، "تاراز" الەۋمەتتىك-كاسىپكەرلىك كورپوراتسياسى" مەكەمەسى جانە "اتامەكەن" وڭىرلىك كاسىپكەرلەر پالاتاسىنىڭ قولداۋىمەن وبلىس اۋداندارىنىڭ تۇرعىندارى ءۇشىن قوسىمشا 520 ءدارى-دارمەك پاكەتى ساتىپ الىنعان.

 

جامبىل وبلىسى

سوڭعى جاڭالىقتار

ZOOM اكتسيالارى قىمباتتادى

تەحنولوگيا • بۇگىن، 18:02

اپەننين تۇبەگىنە اتتاندى

سپورت • بۇگىن، 16:38

ۇقساس جاڭالىقتار