قوعام • 21 شىلدە، 2020

جۇمىسپەن قامتۋ باسقارماسى 42 500 تەڭگە بەرۋ ءتارتىبىن ءتۇسىندىردى

565 رەت كورسەتىلدى

شىلدەنىڭ 17-ءسى مەن 20-سى ارالىعىندا ازاماتتاردىڭ تولەم جاساۋ تۋرالى 13 414 ءوتىنىشى قابىلداندى. بۇل تۋرالى ەلوردا اكىمدىگىنىڭ رەسمي سايتى حابارلايدى، دەپ جازادى Egemen.kz

بۇگىن بريفينگتە نۇر-سۇلتان قالالىق جۇمىسپەن قامتۋ جانە الەۋمەتتىك قورعاۋ باسقارماسى باستىعىنىڭ ورىنباسارى باقتيار گاريفۋللين توتەنشە جاعداي كەزەڭىنە بىرجولعى تولەم جاساۋ ءتارتىبىن ءتۇسىندىردى.

ء"بىر رەتتىك تولەم قىزمەتكەرلەرگە، ازاماتتىق-قۇقىقتىق كەلىسىم-شارت بويىنشا جۇمىس ىستەيتىن جەكە كاسىپكەرلەرگە، جەكە پراكتيكامەن اينالىساتىن تۇلعالارعا، بىرىڭعاي جيىنتىق تولەم تولەۋشىلەرگە ءبىر مينيمالدى جالاقى – 42 500 تەڭگە مولشەرىندە بەلگىلەنەدى جانە 2020 جىلدىڭ شىلدەسىندە قالادا باس سانيتارلىق دارىگەر بەلگىلەگەن شەكتەۋ شارالارىنىڭ ەنگىزىلۋىنە بايلانىستى تولىق كىرىسىنەن ايرىلعاندارعا ءبىر رەت قانا تولەنەدى"، دەدى ب.گاريفۋللين.

ونىڭ ايتۋىنشا، ەكىنشى دەڭگەيلى بانكتەردىڭ قىزمەتكەرلەرىن، بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىمداردىڭ قىزمەتكەرلەرىن جانە ولارمەن اففيليرلەنگەن زاڭدى تۇلعالاردى، مەملەكەتتىك زاڭدى تۇلعالاردى (شارۋاشىلىق جۇرگىزۋ قۇقىعىنداعى مەملەكەتتىك كاسىپورىنداردىڭ قىزمەتكەرلەرىن قوسپاعاندا)، سونداي-اق اكتسيالارىنىڭ جانە جارعىلىق كاپيتالىنداعى قاتىسۋ ۇلەستەرىنىڭ ءجۇز پايىزى مەملەكەتكە تيەسىلى زاڭدى تۇلعالاردى قوسپاعاندا، اقىسىز ەڭبەك دەمالىسىندا جۇرگەن قىزمەتكەرلەرگە الەۋمەتتىك تولەمدەر تولەنەدى.

ءبىر رەتتىك تولەمدى الۋ كريتەريلەرى بەلگىلەندى: جۇمىس بەرۋشىنىڭ، جەكە كاسىپكەردىڭ جانە جەكە پراكتيكامەن اينالىساتىن تۇلعانىڭ قىزمەتى – قاتاڭ شەكتەۋلى كارانتين شارالارىن ەنگىزۋگە بايلانىستى قىزمەتتى شەكتەۋ (توقتاتا تۇرۋ); زاڭدى تۇلعالارعا قىزمەت كورسەتەتىن، ازاماتتىق-قۇقىقتىق كەلىسىم-شارتتار بويىنشا جۇمىس ىستەيتىندەر ءۇشىن – زاڭدى تۇلعالاردىڭ (زاڭدى تۇلعانىڭ) قىزمەتىن شەكتەۋ (توقتاتا تۇرۋ) جانە قاتاڭ شەكتەۋلى كارانتين شارالارىنىڭ ەنگىزىلۋىنە بايلانىستى قىزمەتتەردى ۇسىنۋدىڭ مۇمكىن ەمەستىگى; جەكە تۇلعالارعا قىزمەت كورسەتەتىن، ازاماتتىق-قۇقىقتىق كەلىسىم-شارتتار بويىنشا جۇمىس ىستەيتىندەر ءۇشىن – ۇستىمىزدەگى جىلدىڭ ءبىرىنشى جارتىجىلدىعىندا مىندەتتى زەينەتاقى جارنالارىنىڭ بولۋى; بجت تولەۋشىلەرى ءۇشىن (بىرىڭعاي جيىنتىق تولەمدى تولەۋشىلەر) – ۇستىمىزدەگى جىلدىڭ ءبىرىنشى جارتىجىلدىعىندا الەۋمەتتىك ساقتاندىرۋ جارنالارىن تولەۋى.

ء"بىر رەتتىك تولەم شەكتەۋ شارالارىن ەنگىزۋ ناتيجەسىندە كىرىسىن تولىقتاي جوعالتۋ فاكتىسى جوق ادامدارعا تاعايىندالمايدى، ونىڭ ىشىندە: ەگەر جۇمىس بەرۋشىنىڭ، جەكە كاسىپكەردىڭ، جەكە كاسىپكەردىڭ نەمەسە ازاماتتىق-قۇقىقتىق كەلىسىم-شارتتار جاسالعان زاڭدى تۇلعانىڭ قىزمەتى شەكتەۋ شارالارىن قولدانۋمەن شەكتەلمەسە; جالاقىسى ساقتالمايتىن ەڭبەك دەمالىسىن قوسپاعاندا، جىل سايىنعى اقىلى ەڭبەك نەمەسە الەۋمەتتىك دەمالىستا جۇرگەن ادامدار; ەڭبەك زاڭناماسىنا سايكەس جۇمىس ۋاقىتىنىڭ ازايۋىنا بايلانىستى جۇمىستان بوساتىلعان; ۇستىمىزدەگى جىلدىڭ ءبىرىنشى جارتىجىلدىعىندا بجت تولەۋ فاكتىسى جوق بجت تولەۋشىلەرىنە; ۇستىمىزدەگى جىلدىڭ ءبىرىنشى جارتىجىلدىعىندا مىندەتتى زەينەتاقى جارنالارى تۇسپەگەن ازاماتتىق-قۇقىقتىق كەلىسىمشارتتار بويىنشا جۇمىستاردى ورىنداۋدان (قىزمەتتەر كورسەتۋدەن) كىرىس الاتىن جەكە تۇلعالار.

سونداي-اق زەينەتاقى تولەمدەرىن، مەملەكەتتىك جاردەماقىلاردى، اتاۋلى الەۋمەتتىك كومەك الۋشىلارعا، قوردان تولەنەتىن الەۋمەتتىك تولەمدەردى الۋشىلارعا، جۇمىسپەن قامتۋعا جاردەمدەسۋ شارالارىمەن قامتىلعان ادامدارعا جانە ءبىرىنشى رەت شەكتەۋ شارالارى كەزەڭىندە بجت تولەگەن "حالىقتى جۇمىسپەن قامتۋ تۋرالى" زاڭعا سايكەس جۇمىس كۇشىنە كىرمەيتىن ادامدارعا; قىلمىستىق-اتقارۋ جۇيەسى مەكەمەلەرىندە مەملەكەت تاراپىنان تولىق قولداۋ كورسەتىلەتىن ادامدارعا; سونداي-اق ءبىر رەتتىك تولەم الۋشىنىڭ جوعالعان كىرىسى قالپىنا كەلتىرىلگەن جاعدايدا"، دەدى ب.گاريفۋللين.

ءوتىنىمدى كەلەسى ارنالار ارقىلى بەرۋگە بولادى: "ەلەكتروندى ۇكىمەتتىڭ" ۆەب-پورتالى – egov.kz; 42500.enbek.kz پورتالى; telegram بوتتارى; 42500.enbek.kz Aitu مەسسەندجەرىندەگى قوسىمشاسى; ەكىنشى دەڭگەيلى بانكتەردىڭ ءموبيلدى قوسىمشالارى مەن ينتەرنەت-رەسۋرستارى. 2020 جىلدىڭ ناۋرىزىنان باستاپ حالىقتى جۇمىسپەن قامتۋ ماسەلەلەرىنىڭ قالالىق شتابى جۇمىس ىستەيدى. شتاب جۇمىسىنىڭ ايرىقشا قۇزىرەتى – نۇر-سۇلتان قالاسى بويىنشا باس مەملەكەتتىك سانيتارلىق دارىگەردىڭ بۇيرىعىنا سايكەس قىزمەتىن شەكتەۋدىڭ سەنىمدىلىگى نەگىزىندە قىزمەتكەرگە اتالعان الەۋمەتتىك قولداۋ كورسەتۋ تۋرالى القالى قورىتىندى جاساۋ.

سونىمەن بىرگە ءوتىنىش بەرۋشىگە جالعان اقپارات پەن جالعان (جاساندى) قۇجاتتاردى ۇسىنعانى ءۇشىن جاۋاپكەرشىلىك تۋرالى ەسكەرتىلدى. الەۋمەتتىك كومەك تاعايىنداۋ جانە تولەۋ مەحانيزمى كەلەسىدەي. وتىنىشتەر قالالىق شتابتىڭ قاراۋىنا بەرىلەدى: جۇمىسكەرلەرى بار تۇلعالار ءۇشىن – جۇمىس بەرۋشى مىنالاردى كورسەتە وتىرىپ، ءوتىنىم بەرەدى – ەلەكتروندى پوشتا مەكەنجايىن، تەلەفون نومىرلەرىن، جسن كورسەتە وتىرىپ قىزمەتكەرلەردىڭ ءتىزىمىن، ولاردىڭ جالاقىسى ساقتالمايتىن دەمالىستا بولۋ تۋرالى مالىمەتتەرىن (دەمالىستىڭ باستالۋ جانە اياقتالۋ كۇنىن)، قىزمەتكەردىڭ ۇيالى تەلەفون ءنومىرى، قىزمەتكەردىڭ، جەكە كاسىپكەردىڭ بانكتىك دەرەكتەمەلەرى – ءوتىنىم بانك شوتى، تەلەفون ءنومىرى تۋرالى اقپاراتتى كورسەتە وتىرىپ، دەربەس بەرىلەدى.

مەملەكەتتىك كورپوراتسياعا وتىنىمدەر: بجت، ازاماتتىق-قۇقىقتىق كەلىسىم-شارتتار بويىنشا جۇمىس ىستەيتىن ادامدار ءۇشىن – ءوتىنىش جەكە/زاڭدى تۇلعامەن جاسالعان جۇمىستاردى (قىزمەتتەردى كورسەتۋدى) ورىنداۋعا ارنالعان ازاماتتىق-قۇقىقتىق كەلىسىم-شارتتارىنىڭ ءنومىرى مەن كۇنىن كورسەتە وتىرىپ، بانكتىك شوتى تۋرالى اقپاراتتى ۇسىنادى. قالالىق شتاب تىركەلگەن كۇنىنەن باستاپ ەكى جۇمىس كۇنى ىشىندە جۇمىس بەرۋشىنىڭ ونىڭ قىزمەتىنە شەكتەۋلەردىڭ نەگىزدىلىگى تۋرالى وتىنىشتەرىن قارايدى جانە قورىتىندى شىعارادى، سودان كەيىن قۇجاتتاردى مەملەكەتتىك كورپوراتسياعا بەرەدى.

مەملەكەتتىك كورپوراتسيا ءبىر جۇمىس كۇنى ىشىندە ءار قىزمەتكەر ءۇشىن جەكە ءىستىڭ ەلەكتروندى ۇلگىسىن قالىپتاستىرادى جانە ونى مەملەكەتتىك الەۋمەتتىك ساقتاندىرۋ قورىنىڭ فيليالىنا جىبەرەدى. مەملەكەتتىك الەۋمەتتىك ساقتاندىرۋ قورى ەكى جۇمىس كۇنى ىشىندە الەۋمەتتىك تولەمدەردى تاعايىنداۋ نەمەسە تاعايىنداۋدان باس تارتۋ تۋرالى شەشىم قابىلدايدى. شىلدەنىڭ 17-ءسى مەن 20-سى ارالىعىندا ەلورداعا شىلدە ايىنا 42 500 تەڭگە مولشەرىندە ءبىر رەتتىك الەۋمەتتىك تولەمدى تولەۋگە 13 414 ءوتىنىش كەلىپ ءتۇستى. سونداي-اق، 52 708 ءوتىنىش پرواكتيۆتى فورماتتا قابىلداندى، ولار تولەمدەر ءۇشىن مەملەكەتتىك كورپوراتسياعا بەرىلدى. بايلانىس ورتالىعىنىڭ نومىرلەرى: 55-14-74، 55-14-87، 55-67-12.


سوڭعى جاڭالىقتار

دوللار ارزاندادى

قارجى • كەشە

ۇقساس جاڭالىقتار