سونىمەن بىرگە, بۇرىن بەلگىلەنگەن مۇگەدەكتىك توبى ءۇشىن مەملەكەتتىك جاردەماقىلاردى تولەۋ اعىمداعى جىلدىڭ 17 شىلدەسىندە جۇزەگە اسىرىلدى.
سونىمەن قاتار, 9 مىڭنان استام قازاقستاندىق eGov.kz پورتالى ارقىلى ونلاين رەجيمدە مۇگەدەكتىكتى راسىمدەدى نەمەسە ۇزارتتى. بۇل مۇمكىندىك اۆتوماتتى تۇردە ۇزارتۋمەن قاتار, مەملەكەتتىك مەكەمەلەردە ادامداردىڭ كوپ جينالۋىن بولدىرماۋ جانە كوروناۆيرۋستىق ينفەكتسيانى جۇقتىرۋ قاۋپىن ازايتۋ ماقساتىندا مۇگەدەكتىگى بار ادامدارعا بەرىلدى. سOVID-19 تارالۋىنا بايلانىستى شەكتەۋ شارالارىنىڭ قولدانىلۋىنىڭ بارلىق كەزەڭى بويى ازاماتتار مۇگەدەكتىكتى بەلگىلەۋ جانە كۋالاندىرۋدان قايتا ءوتۋ ءۇشىن ەلەكتروندىق فورماتتا ءوتىنىش بەرە الادى.
ءوتىنىش بەرۋ ءۇشىن eGov.kz پورتالىندا اۆتورلانۋ قاجەت جانە ەلەكتروندىق تسيفرلىق قولتاڭبا (بۇدان ءارى – ەتسق) بولۋعا ءتيىس.
پورتالعا كىرگەننەن كەيىن جوعارعى وڭ جاق بۇرىشىندا اشىلمالى ءتىزىم بار باتىرمانى باسىپ, "ەلەكتروندىق وتىنىشتەر" جانە "قىزمەتكە ونلاين تاپسىرىس بەرۋ" دەگەندى تاڭداۋ قاجەت.
سودان كەيىن ءوتىنىش بەرۋشى ءوزىنىڭ جەكە كابينەتىنە كىرەدى, ول جەردە "قۇرۋ" تۇيمەسىن باسۋ كەرەك. سودان كەيىن ءسىز جولداردى تولتىرۋىڭىز كەرەك ء("وڭىر", "ناقتى تۇراتىن مەكەنجايى", "ۇيالى تەلەفون" جانە ت.ب.). "الۋشى" جولىندا "ەڭبەك, الەۋمەتتىك قورعاۋ جانە كوشى-قون كوميتەتىنىڭ اۋماقتىق دەپارتامەنتى" تارماعىن تاڭداڭىز. بۇدان باسقا, قۇجاتتاردىڭ فوتوعا تۇسىرىلگەن نەمەسە سكانەرلەنگەن كوشىرمەلەرىن قوسا بەرۋ قاجەت. ءتىزىمدى "قاجەتتى قۇجاتتار ءتىزىمى" سىلتەمەسىنە ءوتۋ ارقىلى كورۋگە بولادى.
سوڭعى ارەكەت ەتسق-كىلتتىڭ كومەگىمەن وتىنىمگە قول قويۋ بولادى. ول ءۇشىن "سەرتيفيكاتتى تاڭداۋ» باتىرماسىن باسۋ جانە اتاۋى "RSA..." - دان باستالاتىن فايلدى تاڭداۋ قاجەت, سودان كەيىن جۇيە اشىق ءپارولدى ەنگىزۋدى تالاپ ەتەدى.
ءوتىنىش بەرۋ ناتيجەسىندە وتىنىمگە جەكە كابينەتتە ستاتۋس بەرىلەدى.
EGov.kz پورتالى ارقىلى مۇگەدەكتىكتى بەلگىلەۋگە ءوتىنىش بەرۋ مۇمكىندىگى قازاقستاندىقتار ءۇشىن توتەنشە جاعدايدى ەنگىزۋ كەزىندە العاش رەت پايدا بولدى. اعىمداعى جىلدىڭ ناۋرىز ايىنان شىلدە ايىنا دەيىن وسى تاسىلمەن 9 699 ازاماتقا مۇگەدەكتىك بەلگىلەنگەن.
ەستەرىڭىزگە سالا كەتەيىك, بۇعان دەيىنگى ۇكىمەت وتىرىسىندا قازاقستان رەسپۋبليكاسىنىڭ پرەمەر-ءمينيسترى اسقار مامين قايتا كۋالاندىرۋ مەرزىمى كارانتين كەزەڭىنە ءتۇسپا-تۇس كەلەتىن مۇگەدەكتىك مەرزىمىن اۆتوماتتى تۇردە ۇزارتۋ پروتسەسىن جەدەلدەتۋدى تاپسىرعان بولاتىن.
