بۇل رەتتە ءوتىنىش بەرۋشىلەر ءۇشىن "ازاماتتارعا ارنالعان ۇكىمەت" مەملەكەتتىك كورپوراتسياسى ارقىلى قۇجاتتاردى قاعاز تۇرىندە بەرۋ مۇمكىندىگى ساقتالعان: قاراۋ مەرزىمى 11 جۇمىس كۇنگە دەيىن. بۇدان باسقا, ەندى ينۆەستورلىق ۆيزانى الۋعا ءوتىنىشتى جەكە تۇلعا دا بەرە الادى.
ينۆەستورلىق ۆيزالارىن قازاقستان رەسپۋبليكاسىنىڭ اۋماعىندا ينۆەستيتسيالىق قىزمەتتى جۇزەگە اسىراتىن جەكە جانە زاڭدى تۇلعالار, سونداي-اق ولاردىڭ وتباسى مۇشەلەرى الا الادى. ۆيزانىڭ بۇل كاتەگورياسىندا ونىڭ قولدانىلۋ مەرزىمى شەڭبەرىندە ەلدە بولۋ مەرزىمى بويىنشا شەكتەۋلەر جوق. ىسكەرلىك ۆيزانىڭ يەسى قازاقستاندا ءاربىر كىرۋ كەزىندە 60 تاۋلىكتەن ارتىق بولماۋى مۇمكىن.
ەستەرىڭىزگە سالا كەتەيىك, ا-5 ساناتىنداعى ينۆەستورلىق ۆيزانى الۋ ءراسىمى 3 مەملەكەتتىك قىزمەتتى قامتيدى: قر سىرتقى ىستەر مينيسترلىگى ينۆەستيتسيالار كوميتەتىنىڭ ينۆەستورلىق ۆيزانى الۋعا قولداۋحاتى, قر ىشكى ىستەر مينيسترلىگىندە شاقىرۋدى رەسىمدەۋ جانە قازاقستاننىڭ شەت ەلدەردەگى مەكەمەلەرىندە ينۆەستورلىق ۆيزانى ۇسىنۋ.
"كوروناۆيرۋستىق ينفەكتسيانىڭ تارالۋ جاعدايىندا, ءبىز جاھاندىق ەكونوميكا مەن جالپى بيزنەسكە تەرىس اسەرىن كورىپ, ىسكەرلىك بەلسەندىلىكتىڭ تومەندەۋىن بايقاپ وتىرمىز. ءبىز ءۇشىن بۇل ءۇي جۇمىسىن جاساۋ جانە پروتسەستەردى وڭتايلاندىرۋ ۋاقىتى. جاقىندا ينۆەستيتسيالىق كەلىسىم-شارتتى جاساسۋ مەملەكەتتىك قىزمەتى ونلاين فورماتىنا اۋىستىرىلدى, ۆيزالىق-كوشى-قون قىزمەتتەرىن جەڭىلدەتىپ, اۆتوماتتاندىردىق", - دەپ اتاپ وتتى قر سىرتقى ىستەر ءمينيسترىنىڭ ورىنباسارى الماس ايداروۆ.
كارانتيندىك شەكتەۋلەر كەزەڭىندە 2020 جىلعى 11 مامىردان باستاپ ۆەدومستۆوارالىق كوميسسيانىڭ (ۆاك) وتىرىسىندا قابىلدانعان قر مەملەكەتتىك شەكاراسىنان ءوتۋ ءتارتىبى قولدانىلادى. وعان سايكەس ءاربىر جەكە جاعداي ءۇشىن قازاقستانعا كەلۋىنە ۆەدومستۆوارالىق كوميسسيانىڭ شەشىمىمەن رۇقسات ەتىلەدى. شەتەلدىك ازاماتتار قازاقستان رەسپۋبليكاسىنىڭ اۋماعىنا كارانتيندىك شارالاردى ساقتاي وتىرىپ كىرە الادى.
