بۇگىن قالا اكىمى جۇمىس ساپارى بارىسىندا №4 پەرزەنتحانانىڭ جاڭا نىسانىندا بولدى.
«بۇگىن №4 قالالىق پەرزەنتحانانىڭ جاڭا كورپۋسىن قاراپ شىقتىم. مۇندا COVID-19-بەن اۋىرعاندار ءۇشىن قوسىمشا 50 توسەك-ورىن اشىلادى. كوروناۆيرۋس ينفەكتسياسىمەن بوساناتىن ايەلدەرگە ارنالعان گوسپيتالدى دايىنداۋدا قۇرىلىس-جوندەۋ جۇمىستارى اياقتالدى. قازىر حيرۋرگيالىق, رەانيماتسيالىق جابدىقتاردى, ءوجج اپپاراتتارىن قوسۋ جۇمىستارى جۇرگىزىلۋدە. ءسويتىپ اپتا سوڭىنا قاراي بۇل جەر كۆي-مەن بوساناتىن ايەلدەردى قابىلداۋعا دايىن بولادى», - دەپ جازدى باقىتجان ساعىنتاەۆ Instagram-داعى پاراقشاسىندا.
اكىم ءوزىنىڭ سوزىندە كوۆيدتى ستاتسيونار رەتىندە جۇمىس جاسايتىن پەرزەنتحانا 105 توسەك- ورىنعا ارتاتىنىن ايتتى.
«جوعارى بىلىكتى مەديتسينالىق كومەكتىڭ دەر كەزىندە كورسەتىلەتىندىكتەن, انالار مەن جاڭا تۋعان نارەستەلەردىڭ دەنساۋلىعى مەن ءومىرى ساقتالاتىن بولادى»,- دەپ اتاپ ءوتتى ب. ساعىنتاەۆ.
سونىمەن قاتار, الماتى اكىمى COVID-19-بەن كۇرەسۋدە ناۋقاستاردى جاتقىزاتىن ورىنداردى كوبەيتۋ قاجەتتىلىگىنە بايلانىستى سالىنىپ جاتقان ارنايى الەۋمەتتىك قىزمەت كورسەتۋ ورتالىعى عيماراتىنىڭ قۇرىلىس بارىسىمەن تانىستى, مۇندا 500 توسەك-ورىنعا ارنالعان ءبىرىنشى ەشەلون ينفەكتسيالىق ستاتسيونار رەتىندە قايتا بەيىمدەلەدى.
«بارلىق قۇرىلىس-جوندەۋ جۇمىستارى قارقىندى تۇردە جۇرگىزىلۋدە. نىساندى ءبىر ايدان كەيىن تاپسىرۋدى جوسپارلاپ وتىرمىز», - دەپ جازدى ب. ساعىنتاەۆ.
جاڭا كوۆيدتىك گوسپيتال قاجەتتى زاماناۋي قۇرالدارمەن جانە مەديتسينالىق گازبەن جابدىقتالادى. قازىر كادرلاردى دايارلاۋ جۇمىستارى جۇرۋدە. مۇندا گوسپيتال پاتسيەنتتەرىنە دياگنوستيكالىق مەديتسينالىق كومەك تولىق كولەمدە كورسەتىلمەك.
بۇرىن حابارلانعانىنداي, كوۆيدتى گوسپيتالدەر دەنساۋلىق ساقتاۋ نىساندارىنىڭ بازالارىنا ورنالاسادى,ياعني ولار قايتا جابدىقتالىپ, سانيتارلىق- ەپيدەميولوگيالىق نورمالارعا ساي پارمەندى جۇمىس جاسايتىن بولادى.
تازا جانە كىر ايماقتاردى بولەتىن قورشاۋلار, شليۋزدەر, دەزينفەكتسيالىق توننەلدەر ورناتىلۋدا,جەلدەتكىش (ۆەنتيلياتسيا) جۇيەلەرى جانە باسقا دا جۇمىستار رەتكە كەلتىرىلۋدە.
