ادام ومىرىنە اراشا بولۋعا ارنالعان جابدىق تۇركيانىڭ الدىڭعى قاتارلى كاسىپورىندارىمەن ىنتىماقتاستىقتا جوبالانىپ, جاساپ شىعارىلدى جانە ول قاۋىپسىزدىكتىڭ بارلىق حالىقارالىق تالاپتارى مەن ستاندارتتارىنا جاۋاپ بەرەدى.
كومپانيا وكىلدەرىنىڭ حابارلاۋىنشا, اعىمداعى جىلعى كوكتەمدە 120 ينجەنەردەن تۇراتىن توپ بار-جوعى 2 اپتانىڭ ىشىندە ىستامبۋل قالاسىنداعى Arcelik Garage - اشىق يننوۆاتسيالىق ورتالىعىندا اپپاراتتىڭ العاشقى ءپروتوتيپىن جوبالاپ, تەستىلەۋدەن وتكىزدى.
ماۋسىم ايىنىڭ باسىنا قاراي, ونىڭ Cerkezkoy electronics ورتالىعىندا كوممەرتسيالىق نەگىزدە ەل ىشىنە جانە ودان تىس جەرلەرگە ءبولىپ بەرۋ ءۇشىن 5000 اپپارات جاساپ شىعارىلدى.
كومپانيانىڭ يۆل-اپپاراتىن ىندەتتىڭ العاشقى كەزەڭىندە ۆيرۋسپەن كۇرەس جۇرگىزىپ جاتقان ەلدەرگە سىيعا تارتۋ نيەتى بار. اتالعان باستاماشىلىق شەڭبەرىندە 5 اپپاراتتى قازاقستان الدى.
قازىرگى ۋاقىتتا, ەلگە جەتكىزىلگەن يۆل-اپپاراتتارى كەدەندىك تەكسەرۋدەن ءوتىپ, قالالىق جەدەل شۇعىل كومەك كورسەتۋ اۋرۋحاناسىنا (جشككا) بەرىلدى.
