تاعايىنداۋ • 20 شىلدە، 2020

باعدات مۋسين تسيفرلىق دامۋ ءبىرىنشى ۆيتسە-ءمينيسترى بولىپ تاعايىندالدى

61 رەت كورسەتىلدى

پرەمەر-مينيستر اسقار مامين تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنىڭ ۇجىمىنا ۇكىمەتتىڭ قاۋلىسىمەن تاعايىندالعان ءبىرىنشى ۆيتسە-مينيستر باعدات ءمۋسيندى تانىستىردى، ول ۋاقىتشا مينيستر قىزمەتىن اتقاراتىن بولادى.  بۇل تۋرالى پرەمەر-ءمينيستردىڭ ءباسپاسوز قىزمەتىنە سىلتەمە جاساي وتىرىپ Egemen.kz حابارلايدى.

ا.مامين مەملەكەت باسشىسى مينيسترلىكتىڭ الدىنا مەملەكەتتىك قىزمەتتەر مەن ەكونوميكا سالالارىن تسيفرلاندىرۋ جونىندە ناقتى مىندەتتەر قويعانىن اتاپ ايتتى. دەنساۋلىق ساقتاۋ جانە ءبىلىم بەرۋ سالاسىن تسيفرلاندىرۋ ماسەلەسىنە ەرەكشە كوڭىل ءبولۋ قاجەت. بارلىق وسى ماڭىزدى مىندەتتەردى ىسكە اسىرۋ، اسىرەسە، پاندەميا كەزىندە زور ماڭىزعا يە. "تسيفرلىق قازاقستان" باعدارلاماسى شەڭبەرىندە اۋىلدىق ەلدى مەكەندەردى ساپالى ينتەرنەتپەن قامتاماسىز ەتۋ، قازاقستاننىڭ يننوۆاتسيالىق ەكوجۇيەسىن دامىتۋ قاجەت.

مۋسين باعدات باتىربەك ۇلى 1983 جىلى 3 ناۋرىزدا پاۆلودار وبلىسىنىڭ ەكىباستۇز قالاسىندا تۋعان. سۇلەيمەن دەميرەل اتىنداعى ۋنيۆەرسيتەتتى "ينجەنەر-جۇيە تەحنيگى" ماماندىعى بويىنشا، قازاق قۇقىقتانۋ جانە حالىقارالىق قاتىناستار ينستيتۋتىن "زاڭگەر" ماماندىعى بويىنشا بىتىرگەن. 

ەڭبەك جولىن ينجەنەر-باعدارلاماشى بولىپ باستادى، ادىلەت مينيسترلىگىنىڭ "رەسپۋبليكالىق قۇقىقتىق اقپارات ورتالىعى" رمك اج سۇيەمەلدەۋ ءبولىمىنىڭ باسشىسى، ادىلەت مينيسترلىگىنىڭ ەكونوميكا جانە قارجى دەپارتامەنتى اقپاراتتىق تەحنولوگيالار باسقارماسىنىڭ باسشىسىى بولىپ جۇمىس ىستەدى، قر بايلانىس جانە اقپارات مينيسترلىگىنىڭ قۇرىلىمىندا باسشىلىق قىزمەتتەردى اتقاردى، "ۇلتتىق اقپاراتتىق تەحنولوگيالار" اق، "قازپوشتا" اق، باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ كوميتەتىن باسقاردى.

اعىمداعى جىلدىڭ ناۋرىز ايىندا پرەزيدەنتتىڭ تسيفرلاندىرۋ جانە يننوۆاتسيالىق تەحنولوگيالار جونىندەگى كەڭەسشىسى بولىپ تاعايىندالدى.

سوڭعى جاڭالىقتار

ۇقساس جاڭالىقتار