ءاربىر پاكەتتە دارىگەرلەرگە ارنالعان جەمىس-جيدەكتەر, تاتتىلەر مەن ءسۇت ونىمدەرى سالىنعان. ۆولونتەردىڭ ايتۋىنشا, بۇل اكتسيا ەلىمىزدىڭ بارلىق وڭىرىندە جالعاسىن تابۋدا.
– بۇگىندە اقتاۋ قالاسىندا كوروناۆيرۋس ينفەكتسياسىنا قارسى دارىگەرلەر كۇن مەن ءتۇن دەمەي دامىلسىز ەڭبەك ەتۋدە. اقتاۋ قالاسى بويىنشا 6 قوناقۇيگە ورنالاستىرىلعان دارىگەرلەرگە, مەيىربيكەلەرگە كۇنبە-كۇن وبلىستىق ءماسليحات دەپۋتاتتارى, كاسىپكەرلەر, Jas Otan جق بەلسەندىلەرى مەن ۆولونتەرلەر جەمىس-جيدەكتەر, ءسۇت ونىمدەرى, ءتۇرلى تاتتىلەردى اكەلىپ, ۇلەستىرىپ ءجۇرمىز. باستى ماقساتىمىز – دارىگەرلەرگە العىس ايتىپ, قيىن ۋاقىتتا قولداۋ ءبىلدىرۋ. ءبىز بۇل اۋرۋدى بىرلەسىپ جەڭەمىز دەپ سەنەمىن, – دەدى فيليال توراعاسى ناۋرىزبەك ماعداتوۆ.
جاقسى جۇمىس جالعاسىن تاۋىپ, ارادا ءبىر كۇن وتكەندە Jas Otan بەلسەندىلەرى كوپبەيىندى پروۆيزورلىق ستاتسيونارعا 35 دانا ماتراس جەتكىزدى. قازىر ماڭعىستاۋ وبلىستىق اۋرۋحاناسى كوپبەيىندى پروۆيزورلىق ستاتسيونارعا اۋىستىرىلدى. ناۋقاستاردىڭ كوپتەپ تۇسۋىنە بايلانىستى اۋىر ناۋقاستارعا ارنالعان ماتراس جەتىسپەۋشىلىگى بايقالدى. وسىعان بايلانىستى جاسوتاندىقتار قولداۋىمەن, دەمەۋشىلەر كومەگىمەن ۆولونتەرلەر ماتراستاردى ساتىپ الىپ, اۋرۋحاناعا تابىس ەتتى.
– ءبىز دەمەۋشىلەردىڭ ارقاسىندا 35 ماتراس ساتىپ الىپ, كوپسالالى پروۆيزورلىق ستاتسيونارعا جەتكىزدىك. بۇعان دەيىن اۋرۋحانا باسشىلىعى ماتراستار مەن توسەك-ورىن تاپشىلىعى تۋرالى ماسەلەنى ايتقان بولاتىن. سوندىقتان كەلەسى اپتادان باستاپ توسەك-ورىن تىگۋ بويىنشا جاڭا اكتسيانى ىسكە قوسۋدى شەشتىك. بىرلەسكەن كۇش-جىگەرىمىزدى پايدالانىپ, قوعامعا ۇلەس قوسساق دەيمىز – دەدى ن.ماعداتوۆ.
«قازىرگى جاعدايعا بايلانىستى بارشا قايىرىمدى جاندار ءبىر كىسىدەي اتسالىسىپ جاتىر. وسىدان 4-5 كۇن بۇرىن وبلىستىق Jas Otan جاستار قاناتىنىڭ توراعاسى حابارلاسىپ, قانداي قاجەتتى قۇرالدار كەرەك ەكەنىن سۇراعان. رەانيماتسياداعى ناۋقاستارعا ماتراستار كەرەك ەكەنىن ايتىپ ەدىم. جۇمىلا تىرلىك قىلساق قيىندىقتى ەڭسەرىپ, قاۋىپتەن تەز قۇتىلامىز. الايدا ءار ادام جاۋاپكەرشىلىكتى تەرەڭ سەزىنبەيىنشە, قاۋىپ سەيىلمەيدى. اۋرۋدان ساقتانۋدىڭ جالعىز جولى – وقشاۋلانۋ, كوپشىلىك ورتادا ماسكا تاعىپ, انتيسەپتيكتى قورعانىش رەتىندە پايدالانۋ», دەدى ماڭعىستاۋ وبلىستىق اۋرۋحاناسىنىڭ باس مەيىربيكەسى ايتبيبي وتەگەنوۆا.
كومەكتىڭ ۇلكەن-كىشىسى جوق, سوندىقتان بەلسەندى جاستاردىڭ ەڭبەگى – ۇلكەن ۇلەس.
ماڭعىستاۋ وبلىسى
