ەكونوميكا • 17 شىلدە، 2020

ەلىمىزدە بىرنەشە وبلىستىڭ لاۋازىمدى قىزمەتكەرلەرىنە تەرگەۋ ءىسى باستالدى

6102 رەت كورسەتىلدى

ەلىمىزدە بىرنەشە وبلىستىڭ لاۋازىمدى قىزمەتكەرلەرىنە تەرگەۋ ءىسى باستالدى. بۇل تۋرالى بۇگىن ونلاين برينفينگتە سىبايلاس جەمقورلىققا قارسى ءىس-قيمىل اگەنتتىگىنىڭ وكىلدەرى حابارلادى، دەپ جازادى Egemen.kz

نۇر-سۇلتان قالاسى بويىنشا سىبايلاس جەمقورلىققا قارسى قىزمەت "نۇر-سۇلتان قالاسى قورعالجىن تاس جولىنىڭ وڭتۇستىگىندە ورنالاسقان تۇراعى بار كوپ پاتەرلى تۇرعىن ءۇي كەشەنىنىڭ قۇرىلىسى" نىسانىن سالۋ مەن پايدالانۋعا بەرۋ ءۇشىن بولىنگەن 200 ملن تەڭگە كولەمىندەگى بيۋدجەت قاراجاتىن جىمقىرۋ فاكتىسى بويىنشا "نۇر-سۇلتان قالاسىنىڭ قۇرىلىس جانە تۇرعىن ءۇي ساياساتى باسقارماسى" مم-ءنىڭ بۇرىنعى باسشىسىنا جانە باسقا تۇلعالارعا قاتىستى سوتقا دەيىنگى تەرگەۋدى باستادى.

سىبايلاس جەمقورلىققا قارسى ءىس-قيمىل اگەنتتىگى كەلەسىدەي تەرگەۋ ىستەرىن باستادى:

پاۆلودار وبلىسى بويىنشا جالپى سوماسى 2،6 ملن تەڭگە بولاتىن مەردىگەردىڭ ءىس جۇزىندە ورىندالماعان جۇمىستاردىڭ اتقارىلۋى تۋرالى جالعان اكتىسىنە قول قويۋ ارقىلى بيۋدجەت قاراجاتىن جىمقىرۋ فاكتىسى بويىنشا وبلىس اكىمدىگى باسقارمالارىنىڭ ءبىرىنىڭ باسشىسىنا قاتىستى سوتقا دەيىنگى تەرگەۋ باستالدى.

***

پاۆلودار وبلىسى بويىنشا جالپى سوماسى 19 ملن تەڭگە بولاتىن مەردىگەردىڭ ءىس جۇزىندە ورىندالماعان جۇمىستاردىڭ اتقارىلۋى تۋرالى جالعان اكتىسىنە قول قويۋ ارقىلى بيۋدجەت قاراجاتىن جىمقىرۋ فاكتىسى بويىنشا پاۆلودار وبلىسى پاۆلودار اۋدانى اكىمدىگىنىڭ بولىمدەرىنىڭ ءبىرىنىڭ باسشىسىنا قاتىستى سوتقا دەيىنگى تەرگەۋدى باستادى.

***

جالپى سوماسى 4،7 ملن تەڭگە بولاتىن مەردىگەردىڭ ءىس جۇزىندە ورىندالماعان جۇمىستاردىڭ اتقارىلۋى تۋرالى جالعان اكتىسىنە قول قويۋ ارقىلى بيۋدجەت قاراجاتىن جىمقىرۋ فاكتىسى بويىنشا ەكىباستۇز قالاسى اكىمدىگى بولىمدەرىنىڭ ءبىرىنىڭ بۇرىنعى باسشىسىنا قاتىستى سوتقا دەيىنگى تەرگەۋدى باستادى.

***

الماتى وبلىسى قاپشاعاي قالاسىنىڭ ءىرى بيزنەس سۋبەكتىلەرىنىڭ سالىق جانە بيۋدجەتكە قاجەتتى تولەمدەر تولەۋدەن جالتارۋ ءۇشىن جاعداي جاساۋ ماقساتىندا جەكە تۇلعالارعا جالعان ەسەپشوتتار بەرەتىن كوممەرتسيالىق ۇيىمداردى تىركەگەن قاپشاعاي قالاسى بويىنشا مەملەكەتتىك كىرىستەر باسقارماسىنىڭ سالىقتىق باقىلاۋ ءبولىمىنىڭ باسشىسىنا قاتىستى سوتقا دەيىنگى تەرگەۋدى باستادى.

ول 2017 جىلعى قاراشا جانە 2020 جىلعى ءساۋىر ايلارى ارالىعىندا اتالعان تۇلعالاردان جالعان مامىلەلەر سوماسىنىڭ 5-7% كولەمىندە اقشالاي قاراجات الىپ وتىرعان، سونىڭ ناتيجەسىندە مەملەكەتكە 116،3 ملن. تەڭگە كولەمىندە سالىق تولەمەۋ تۇرىندە ماتەريالدىق شىعىن كەلگەن.

***

الماتى وبلىسىنىڭ "03825 اسكەري بولىمشەسى" رمم كومانديرى مەن وسى بولىمشەنىڭ ءبولىم باسشىسىنا قاتىستى سوتقا دەيىنگى تەرگەۋ باستادى.  اسكەري بولىمشەنىڭ كومانديرى كەلىسىمشارت بويىنشا اسكەري قىزمەتشىدەن تارتىپتىك جازانى الىپ تاستاۋ ءۇشىن پارا الۋدا، ءبولىم باسشىسى اتالعان فاكت بويىنشا پارا بەرۋگە دەلدال بولۋدا دەگەن كۇدىككە ءىلىندى.

***

قىزىلوردا وبلىسى پوليتسيا دەپارتامەنتىنىڭ جەكە قاۋىپسىزدىك باسقارماسىمەن بىرلەسىپ، قىزىلوردا وبلىسى بويىنشا پوليتسيا دەپارتامەنتىنىڭ ەسىرتكى قىلمىستارىنا قارسى ءىس-قيمىل باسقارماسىنىڭ ءبولىم باسشىسىن سىبايلاس جەمقورلىق قىلمىسىن جاساۋدا اشكەرەلەدى. ول ەسىرتكى قۇرالدارىن ءوندىرۋ بارىسىندا جالپى قامقورلىعى ءۇشىن 500 مىڭ تەڭگە سوماسىندا پارا الۋدا كۇدىككە ءىلىندى.

***

اتىراۋ وبلىستىق پوليتسيا دەپارتامەنتىمەن بىرلەسىپ اتالعان وڭىردەگى پوليتسيا دەپارتامەنتىنىڭ بالىق قورىنا قىلمىستىق قول سۇعۋشىلىققا قارسى كۇرەس ءبولىمىنىڭ باسشىسىن اشكەرەلەدى. ول چاستيك تۇقىمداس بالىقتاردى اۋلاۋمەن جانە ساتۋمەن اينالىساتىن جشس باسشىسىنان كاسىپكەرلىك قىزمەتتى كەدەرگىسىز جۇزەگە اسىرۋ جانە جالپى قامقورلىعى ءۇشىن 1،5 ملن، تەڭگە كولەمىندە پارا الۋدا كۇدىككە ءىلىندى.

قازىرگى تاڭدا سوتقا دەيىنگى تەرگەۋ جەتەلدەتىلگەن تارتىپتە اياقتالدى (قپك 190-بابىنا سايكەس) جانە اتالعان لاۋازىمدى تۇلعا سوتقا بەرىلدى.

***

جامبىل وبلىسىنىڭ دەنساۋلىق ساقتاۋ باسقارماسىنىڭ "جۋالى اۋدانىنىڭ ورتالىق اۋداندىق اۋرۋحاناسى" شجق مقك لاۋازىمدى تۇلعالارىنا قاتىستى مەدقىزمەتكەرلەردىڭ شاعىمدارى بويىنشا سوتقا دەيىنگى تەرگەۋ باستالدى. تەرگەۋ COVID-19 كوروناۆيرۋس ينفەكتسياسىنىڭ پاندەمياسى جاعدايىندا ەپيدەمياعا قارسى شارالار ءۇشىن وسىعان دەيىن ەڭبەكاقىعا اۋدارىلعان قوسىمشا ۇستەماقىدان اقشا قاراجاتىن يەمدەنۋ فاكتىسى بويىنشا جۇرگىزىلۋدە.

***

تۇركىستان وبلىسى، جەتىساي اۋدانىنىڭ مۇراتباەۆ اتىنداعى گۋمانيتارلىق-تەحنيكالىق كوللەدجىنىڭ باعدارلامالاۋ ءبولىمىنىڭ مەڭگەرۋشىسىنە قاتىستى سوتقا دەيىنگى تەرگەۋ باستادى. ول ازاماتتاردىڭ "گرانت" مەملەكەتتىك باعدارلاماسى بويىنشا كوللەدجگە تەگىن وقۋعا كەدەرگىسىز ءتۇسۋى ءۇشىن 400 مىڭ تەڭگە سوماسىندا قاراجاتتى الاياقتىق جولمەن يەمدەنۋدە كۇدىككە ءىلىندى.

***

ءوزىن 2019 جىلدان باستاپ 2020 جىلعا دەيىنگى ارالىقتا سىبايلاس جەمقورلىققا قارسى قىزمەتتىڭ قىزمەتكەرى رەتىندە تانىستىرىپ، رەسپۋبليكا اۋماعىندا بىرقاتار الاياقتىق ارەكەتتەر جاساعان ازامات "ا"-عا قاتىستى سوتقا دەيىنگى تەرگەۋ باستالدى. ول مەملەكەتتىك باسقارۋ سالاسىنداعى ماسەلەلەردى وڭ شەشۋ ءۇشىن ازاماتتاردىڭ 80 ملن تەڭگە سوماسىنداعى قاراجاتىن الداۋ ارقىلى يەمدەنۋدە كۇدىككە ءىلىندى.

جوعارىدا اتالعاندارعا قپك 201-بابىنا سايكەس تەرگەۋ مۇددەسى ءۇشىن وزگە اقپارات جاريالاۋعا جاتپايدى.

سوڭعى جاڭالىقتار

ءالتىنساريننىڭ ادامي بولمىسى

رۋحانيات • بۇگىن، 00:01

ۋاقىت جاراتقان ۇلى جىر

ادەبيەت • كەشە

ۇقساس جاڭالىقتار