كۇنى كەشە بىرىككەن اراب امىرلىگى, كاتار جانە قىتاي ەلىنەن گۋمانيتارلىق كومەك رەتىندە كەلگەن مەديتسينالىق قورعانىس قۇرالدارى مەن ءدارى-دارمەكتەردىڭ اۋداندىق "مىرزاكەنت" اۋرۋحاناسىنا جەتكىزىلۋ بارىسىنا باقىلاۋ جاسالدى. سونداي-اق, كۇندەلىكتى اۋدانداعى ءدارىحانالاردا ءدارى-دارمەكتەردى شەكتىك باعادان اسىرماۋ ماقساتىندا "ماقتاارال – ادالدىق الاڭى" كەڭسەسىنىڭ مۇشەلەرى ءدارىحانالار مەن دۇكەندەرگە رەيدتىك شارالاردى جۇرگىزىپ كەلەدى.
قۇرامىنا سانيتارلىق قىزمەت ماماندارى قوسىلعان توپ مىرزاكەنت پەن اتاكەنت كەنتىندەگى ءدارىحانالاردا بەلگىلەنگەن كەستە بويىنشا رەيدتەر جاسادى. دارىلەردىڭ ساتىلۋ باعاسى, ەگۋ بولمەلەرىنىڭ سانيتارلىق تازالىعى, جۇمىس جۇرگىزۋگە بەرىلگەن رۇقسات قاعازدارى باقىلاۋعا الىنعان. سونداي-اق, تاۋارعا بەرىلەتىن فيسكالدى چەك, اراقاشىقتىقتى ساقتاۋ, ماسكالىق ءتارتىپ, زالالسىزداندىرۋعا ارنالعان انتيسەپتيك قۇرالدارىنىڭ بولۋىن – كەڭسە قاتاڭ قاداعالاۋدا.
ايتا كەتەيىك, "ماقتاارال – ادالدىق الاڭى" كەڭسەسى تاراپىنان كەيبىر كەمشىلىكتەرى بويىنشا دارىحانالارعا ەسكەرتۋلەر بەرىلىپ, كەمشىلىكتەردى جويۋ تالاپ ەتىلدى. سونىمەن قاتار, توپ مۇشەلەرى ءدارىحانالاردا ەمدەلۋشىلەرگە ءبىرىنشى كەزەكتە قاجەتتى, كوپ سۇرانىس ءتۇسىپ جاتقان دارىلەردىڭ ءتىزىمىن جاساقتادى.
