دەنساۋلىق ءمينيسترى وتكىزگەن كەزدەسۋدىڭ كۇن تارتىبىندە مونيتورينگتىك توپتاردىڭ جۇمىسىن ۇيىمداستىرۋ, ولاردىڭ ناقتى قىزمەتىن انىقتاۋ, قۇقىقتىق مارتەبە بەرۋ ماسەلەلەرى تالقىلاندى. الماتى قالاسى بويىنشا "قوعامدىق باقىلاۋ" قوعامدىق باستاماسىنىڭ بەلسەندىسى سايدا تءاۋەكەلوۆانىڭ ايتۋىنا قاراعاندا ءداءرىحانالاردى تەكسەرگەندە, گۋمانيتارلىق جۇكتەردى جەتكىزۋگە كومەكتەسكەندە جانە مەديتسينالىق ۇيىمدارعا رەيد بارىسىندا قۇقىقتىق سيپاتتاعى ماسەلەلەر ءجيى تۋىندايدى. ء"اربىر مونيتورينگتىك توپتىڭ ناقتى قىزمەتىن بەلگىلەپ, ەرىكتىلەرگە كۋالىك, جادىناما مەن تانۋ بەلگىلەرىن بەرۋ كەرەك, تۇسكەن اقپاراتتى وڭدەپ, ونى شەشىم قابىلداۋ ءۇشىن ءتيىستى ينستانتسيالارعا بەرۋ قاجەت", - دەدى ەرىكتىلەر قوزعالىسىنىڭ كوشباسشىسى.
"قوعامدىق باقىلاۋدىڭ" رەسپۋبليكالىق ۇيلەستىرۋشىسى ليما دياستىڭ پىكىرىنشە, جۇمىستى ءبىر جۇيەگە قويىپ, ەڭ باستىسى دارىگەرلەردىڭ قىزمەتىنە كەدەرگى كەلتىرمەي, ماماندار مەن پاتسيەنتتەردىڭ دەنساۋلىعىنا قاۋىپ توندىرمەۋ قاجەت. ەرىكتىلەرگە قاتاڭ سانيتارلىق رەجءىمدەگى مەكەمەلەرگە, ينفەكتسيالىق ستاتسيونارلارعا كىرۋىنە رۇقسات ەتۋ كەرەك.
سونىمەن قاتار ليما دياس بارلىق وبلىستا ەرىكتىلەر قوزعالىسىنىڭ ۇيلەستىرۋ ورتالىعى قۇرىلعانىن حابارلادى. اۋرۋحانالارعا كەلگەن گۋمانيتارلىق جۇكتەردى بىرگە جەتكىزۋ بويىنشا مونيتورينگ جۇرگىزگەنىن, ءدارى-دارمەكتىڭ بار-جوعى انىقتاۋ ءۇشىن دارىحانالارعا تەكسەرۋ جۇرگىزىلگەنىن, مەديتسينالىق ۇيىمدارعا بارۋ جوسپارلانۋدا ەكەنىن ايتتى.
دەپۋتات يرينا سميرنوۆا قوعامدىق توپتار ازاماتتاردىڭ دەنساۋلىعىن قورعاۋ ىسىنە باعا جەتپەس ۇلەس قوسىپ, ءدارىحانالاردى ءدارى-دارمەكپەن قامتاماسىز ەتۋدە ۇلكەن قادامدار جاساپ وتىر دەپ ەسەپتەيتىنىن جەتكىزدى.
قوستاناي وبلىسى دەنساۋلىق ساقتاۋ باسقارماسىنىڭ وكىلى كسەنيا جىلقىباەۆا جۇقپالى جانە پروۆيزيورلىق ستاتسيونارلاردىڭ مەديتسينا قىزمەتكەرلەرى قوعامدىق باقىلاۋ جۇمىسىنان قاۋىپتەنگەنىن دە جەتكىزدى. كەيبىر دارىگەرلەر "ەرىكتىلەردىڭ يگى نيەتى ينفەكتسيا ءورشىپ تۇرعان قاۋىپتى اۋرۋحانالارعا باقىلاۋسىز ساياحات جاساۋعا اينالماۋى ءتيىس", - دەپ سانايتىنىن ايتتى ول.
قوعامدىق باقىلاۋدىڭ نەگىزگى مىندەتى اۋرۋحانالار مەن ءدارىحانالاردىڭ جۇمىسىنا كەدەرگى جاساۋ ەمەس, جاعدايعا ەموتسياسىز وبەكتيۆتى باعا بەرۋ. "ءبىز ءۇشىن كەرى بايلانىستىڭ بولعانى, باق-تا, الەۋمەتتىك جەلىلەردە جاعدايدى جاريالاۋوتە ماڭىزدى. ءبىزدىڭ قىزمەتىمىز كۆي شالدىققان ادامداردىڭ مۇڭ-مۇقتاجىنا باعىتتالعان, ولارتولىق مەديتسينالىق كومەك الادى", - دەدى نۇر-سۇلتان قالاسى بويىنشا قوزعالىس بەلسەندىلەرىنىڭ ءبىرى ۆەرا كيم.
"جامان ىندەتكە قارسى ءبىز بىرگە كۇرەسۋىمىز كەرەك. ءبىزدىڭ مىندەتىمىز - دۇرىس دەنساۋلىق ساقتاۋ جۇيەسىن قۇرۋ. جەرگىلىكتى جەرلەر سالعىرتتىق تانىتپاۋى ءتيىس, سونىمەن بىرگە دارىگەرلەردى قولداپ, قامقورلىق كورسەتۋگە مىندەتتىمىز. پاتسيەنتتەرگە كەلەتىن بولساق, ەگەر زاڭسىز جاعدايلار بولسا نەمەسە كومەك كورسەتۋ ستاندارتتارىنا سايكەس كەلمەسە, ونىڭ سەبەپتەرىن انىقتاۋ كەرەك. دارىگەرلەر مەن پاتسيەنتتەردىڭ ار-نامىسى مەن ابىرويى قورعالۋى ءتيىس", - دەدى دەنساۋلىق ساقتاۋ ءمينيسترى. ەرىكتىلەردىڭ جۇمىسى تۋرالى ول: "ەرىكتىلەر قاۋىپسىزدىك شارالارى مەن سانيتارلىق نورمالاردى ساقتاۋى قاجەت. ولاردىڭ مىندەتتى تۇردە قاتاڭ نۇسقامادان ءوتكەنى ءجون. ويتكەنى, ينفەكتسيانى جۇقتىرۋ قاۋپى ۇلكەن. سوندىقتان ستاتسيونارلاردىڭ قاتاڭ تالاپتارىن ساقتاۋ وتە ماڭىزدى", - دەءدى. ونىڭ ايتۋىنشا, ەگەر زاڭ بۇزىلسا, شاعىمدار بەلگىلى ءبىر نورمالاردى ساقتاي وتىرىپ راسىمدەلۋءى قاجەت. "زاڭ بۇزۋعا بولمايدى. دەنساۋلىق ساقتاۋ مينيسترلىگى ونى تۇراقتى باقىلاۋدا ۇستايدى جانە قاداعالايدى", - دەدى مينيستر.
