تۇركىستان وبلىسى پوليتسيا دەپارتامەنتىنىڭ قىزمەتكەرلەرى جول-كولىك اپاتتارىنىڭ الدىن الۋ مەن جولدا ءجۇرۋ ەرەجەلەرىن ورەسكەل بۇزۋشىلاردى انىقتاۋ ماقساتىندا تۇراقتى تۇردە رەيدتىك ءىس-شارالاردى وتكىزىپ تۇرادى.
تۇركىستان وبلىسىنا قاراستى تۇركىستان قالاسىنىڭ پوليتسەيلەرى وسىنداي كەزەكتى رەيدتىك ءىس-شارالار بارىسىندا تۇنگى ۋاقىتتا قالا كوشەلەرىن پاترۋلدەپ كەلە جاتىپ, كۇدىك تۋعىزعان “Mercedes “ ماركالى اۆتوكولىكتى توقتاتادى.
اۆتوكولىك يەسىنىڭ قۇجاتتارىن تەكسەرە كەلە جۇرگىزۋشىنىڭ ماس حالدە جانە قۇجاتسىز ەكەندىگىن انىقتايدى. بەلگىلى بولعانداي جۇرگىزۋشى 2019 جىلدىڭ قازان ايىندا تۇركىستان قالاسىنىڭ مامانداندىرىلعان اكىمشىلىك سوتىمەن قر اقبتك–نىڭ 608-بابى بويىنشا كىنالى دەپ تانىلىپ, ءۇش جىل مەرزىمگە كولىك باسقارۋ قۇقىعىنان ايىرىلعان.
ول سول كەزدەگى ارەكەتىنەن ساباق الماي, جۇرگىزىلگەن مەديتسينالىق زەرتتەۋدىڭ قورىتىندىسىنا سايكەس تاعى دا ماس حالدە كولىك باسقارعانى انىقتالىپ, ەكىنشى رەت قايتالاپ وتىر.
اتالعان جايت سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە ەنگىزىلىپ, قر قك-ءنىڭ 346-بابى “كولىك قۇرالدارىن باسقارۋ قۇقىعىنان ايىرىلعان, الكوگولدىك, ەسىرتكىلىك جانە (نەمەسە) ۋىتقۇمارلىق ماساڭ كۇيدەگى ادامنىڭ كولىك قۇرالىن باسقارۋى, سول سياقتى كولىك قۇرالىن وسىنداي ادامنىڭ باسقارۋىنا بەرۋ نەمەسە كولىك قۇرالىن وسىنداي ادامنىڭ باسقارۋىنا جول بەرۋ“ بويىنشا تىركەلدى.
سوتتىڭ قاۋلىسىنا سايكەس اتالعان جۇگەنسىز جۇرگىزۋشىگە ەكى اي مەرزىمگە دەيىن كۇزەتپەن ۇستاۋ تۇرىندەگى بۇلتارتپاۋ شاراسى قولدانىلدى. وسىنداي كەزەكتى جۇمىس كۇنىنىڭ بىرىندە, ساعات 20:50 شاماسىندا پاترۋلدىك پوليتسيا روتاسىنىڭ پوليتسەيى نۇرحان مىرزاحمەتوۆ پەن جىلدام قيمىلدايتىن ارنايى جاساق ينسپەكتورى ەربولات الياكبار قىزمەت اتقارۋ بارىسىندا تۇركىستان قالاسىنىڭ ورتالىق كوشەلەرىنىڭ بىرىندە “ۆاز” اۆتوكولىگىن توقتاتادى.
تەكسەرۋ بارىسىندا جۇرگىزۋشى 2020 جىلدىڭ ءساۋىر ايىندا تۇركىستان قالالىق سوتىنىڭ ۇكىمىمەن ەكى جىل مەرزىمگە كولىك باسقارۋ قۇقىعىنان ايىرىلعانى بەلگىلى بولدى. ودان بولەك, مەديتسينالىق ساراپتاماعا سايكەس, جۇرگىزۋشى كولىكتى ماس حالدە كولىك باسقارعانى انىقتالدى.
قۇقىق بۇزعان جۇرگىزۋشى تۇركىستان قپب-نە جەتكىزىلدى. سوتتىڭ قاۋلىسىنا سايكەس ماس حالدە كولىك تىزگەندەگەن تۇرعىن ەكى اي مەرزىمگە قاماۋعا الىندى. قازىرگى تاڭدا اتالعان جايت قر قك-ءنىڭ 346-بابىمەن “كولىك قۇرالدارىن باسقارۋ قۇقىعىنان ايىرىلعان جانە الكوگولدىك, ەسىرتكىلىك جانە (نەمەسە) ۋىتقۇمارلىق ماساڭ كۇيدەگى ادامنىڭ كولىك قۇرالىن باسقارۋى, سول سياقتى كولىك قۇرالىن باسقارۋدى وسىنداي ادامعا بەرۋ نەمەسە كولىك قۇرالىن وسىنداي ادامنىڭ باسقارۋىنا جول بەرۋ“ بويىنشا تىركەلىپ, سوتقا دەيىنگى تەرگەۋ امالدارى جۇرگىزىلىپ جاتىر.
نەگىزىندە جول-كولىك وقيعالارى كوبىنە وسىلاي رولگە ماس كۇيدە وتىرۋ سالدارىنان بولادى. سوندىقتان ىشىمدىك ءىشىپ كولىك تىزگىندەمەڭىز. بۇل ءوز ومىرىڭىزبەن قاتار, وزگەنىڭدە ومىرىنە قاۋىپتى بولماق.
