ءتۋرنيردىڭ شىمىلدىق اشار ماتچى 2022 جىلدىڭ 21 قاراشاسىنا جوسپارلانعان. بۇل كۇنى قاتار قۇراماسى 60 مىڭ جانكۇيەر سىياتىن ء«ال بەيت» ستاديونىندا جاھان بىرىنشىلىگىن باستاپ بەرەدى. توپتىق كەزەڭ باسەكەلەرى 2 جەلتوقسانعا دەيىن سوزىلادى. ماتچتار قازاقستان ۋاقىتى بويىنشا ساعات 16:00, 19:00, 22:00 جانە 01:00-دە باستالادى. توپتىق كەزەڭنىڭ سوڭعى ويىندارى مەن پلەي-وفف كەزدەسۋلەرى ساعات 21:00 جانە 01:00-دە باستالادى.
ال 1/8 فينال باسەكەلەرى 3-6 جەلتوقسانعا جوسپارلانعان. شيرەك فينال – 9-10 جەلتوقساندا, جارتىلاي فينال – 13-14 جەلتوقساندا جانە 3-ورىن ءۇشىن وتەتىن ماتچ 17 جەلتوقساندا وينالادى. فينالدىق كەزدەسۋ 18 جەلتوقساندا لۋسايل قالاسىنداعى 80 مىڭ كورەرمەن سىياتىن ستاديوندا وتەدى. فينال نۇر-سۇلتان ۋاقىتى بويىنشا 21:00-دە باستالادى.
