جاھاندىق باسەكەدە باق سىناپ جاتقان قازاقستان ۇلتتىق قۇراماسىنىڭ ۇزدىكتەرىنىڭ ءبىرى جانسايا ابدىمالىك گران-پري جارىسىنىڭ ءتورتىنشى كەزەڭىن ءساتتى باستاپ, شيرەك فينالعا جولداما الدى. ءبىرىنشى ماتچتا پەرۋ وكىلى دەيزي كوريمەن كەزدەسىپ, ەش قيىندىقسىز جەڭىسكە جەتتى. ەسەپ – 8:4. العاشقى ويىن قانداسىمىزعا وڭاي سوققانىمەن كەلەسى كەزەڭدە قارىمدى قارسىلاسقا تاپ بولدى. ەندى ونلاين دودانىڭ ¼ فينالىندا ج.ابدىمالىك الەمنىڭ ءتورت دۇركىن چەمپيونى قىتايلىق حوۋ يفانمەن جارتىلاي فينالدىڭ جولداماسىن ساراپقا سالادى.
وكىنىشكە قاراي, وسى جارىسقا قاتىسقان تاعى ءبىر وتانداسىمىز ءبيبىسارا اساۋباەۆا كەلەسى كەزەڭگە شىعا المادى. ءبىرىنشى كەزدەسۋىندە رەسەيلىك شاحماتشى الەكساندرا كوستەنيۋكپەن باق سىنادى. تارتىستى وتكەن ويىندا اساۋباەۆا 7:5 ەسەبىمەن قارسىلاسىنا جول بەردى.
ءۇش كەزەڭنىڭ قورىتىندىسى بويىنشا تۋرنير كەستەسىندە ۋكراينا سپورتشىسى اننا ۋشەنينا 22 ۇپايمەن كوش باستاپ تۇر.
