پوليتسياعا الدىمەن شاعىنعان ادام ونىڭ ءوزىن قۇرىلىس مياتەريالدارىن ارزانعا ءتۇسىرىپ بەرەمىن دەپ, اقشاسىن الىپ, الداپ كەتكەنىن ايتادى. سونىمەن بىرگە ۇيلەرگە پلاستيكالىق تەرەزەلەر ورناتامىن دەپ الداپ, الدىن الا ءتولەگەن اقشاسىن قاقشىپ كەتكەن.
تاعى ءبىر پەتروپاۆلدىق بەنزيننىڭ ارزان تالوندارىن ءتۇسىرىپ بەرەمىن دەگەنگە الدانعان. اقشاسىن العان سوڭ مىناۋ قاراسىن باتىرعان. تاعى بىرەۋءدى ماشيناڭا ارزان دوڭگەلەك الىپ بەرەمىن دەپ الداعان. بارىنەن دە الدىن الا اقشا الىپ وتىرعان. بۇگىنگءى دەيىن وعان الدانعان ادامدار سانى بەسەۋگە جەتىپ وتىر. بىراق پوليتسيا قىزمەتكەرلەرى تەرگەۋ بارىسىندا تاعى دا بەلگىسىز ادامدار قوسىلاتىن شىعار دەپ ويلايدى.
قازىر كۇدىكتىنىڭ ۇستىنەن قىلمىستى ءىس قوزعالىپ, تەرگەۋ جۇرگىزىلۋدە. ول 1983 جىلى تۋعان پەتروپاۆ قالاسىنىڭ تۇرعىنى. بۇرىن سوتتالعان. «بارلىق قىلمىسىن كۇدىكتى ءتۇرلى سحەمالارمەن جاساعان. بىراق بارىنە ورتاق ءبىر ءىس – ادامداردىڭ ارزان زاتتارعا قول جەتكىزۋدى كوزدەپ, شالا تانىعان ادامعا سەنىم كورسەتكەندىگى بولىپ وتىر», دەيدى پەتروپاۆل پب تەرگەۋ ءبولىمى باستىعىنىڭ ورىنباسارى نۇرجان وماروۆ.
