"مەملەكەتتىڭ بيۋدجەتىنەن زەينەتاقى, جاردەماقى, اتاۋلى الەۋمەتتىك كومەك نەمەسە ساقتاندىرۋ قورىنان تولەم الىپ جۇرگەندەر 42 500 تەڭگە المايدى. ولار بەيرەسمي جۇمىس ىستەپ جۇرگەندەر قاتارىنا جاتپايدى. ولار رەسمي جۇمىس ىستەپ جۇرسە, ولار ءۇشىن جۇمىس بەرۋشى ءوتىنىش بەرە الادى. رەسمي جەكە كاسىپكەرلىگى بولسا, جەكە كاسىپكەر رەتىندە دە ءوتىنىش بەرۋگە مۇمكىندىگى بار. سونىمەن قاتار, توتەنشە جاعداي كەزىندە بىرىڭعاي جيىنتىق تولەم تولەپ, ميلليونداعان ادامدار ءوزىنىڭ بەيرەسمي جۇمىس ىستەگەنىن راستادى. ءبىز ولارمەن حابارلاسىپ, 70 مىڭعا جۋىعىن جۇمىسپەن قامتۋ شارالارىنا تارتقان بولاتىنبىز. ەگەر دە ول ازاماتتار قازىر جۇمىس ىستەپ جاتسا, ارينە ولار بۇل جولى 42 500 تەڭگەنى الا المايدى", - دەدى ول.
سونداي-اق ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ 42 500 تەڭگە الۋعا ءوتىنىش 1 قىركۇيەككە دەيىن قابىلداناتىنىن ايتتى.
