وقيعا • 16 شىلدە، 2020

بۇلاق بورتە وزەنىنە قايتا قۇيا باستادى

24 رەت كورسەتىلدى

قاراتاۋساي ەلدى مەكەنىندەگى ورتا مەكتەپتىڭ ءبىر توپ قىزمەتكەرى اۋىل ىرگەسىندەگى كوزى بىتەلىپ قالعان بۇلاقتى تاۋىپ، تازارتتى.

بورتە وزەنىنە قۇياتىن وسى بۇ­لاقتىڭ كوزىن بۇرىن اۋىلدىڭ اق­ساقالدارى ءشوپ-شالامنان تازارتىپ، مال اياعى تاپتامايتىنداي ەتىپ جىل سايىن جاعاسىن بيىكتەتىپ وتىراتىن. بىراق اقساقالدار ومىردەن وتكەن سوڭ ءارى اۋىل تۇرعىندارىنىڭ كوبى كوشىپ كەتكەن تالاي زاماننان بەرى سىلدىراپ اعىپ جاتقان تۇششى بۇلاقتى جۇرت ۇمىتتى.

اتالعان اۋىل مەكتەبىنىڭ قىزمەت­كەرى نيكولاي فۋنت وسى جازدا ءشوپ شاۋىپ جۇرگەندە بۇلاق تۋرالى قارتتاردان ەستىگەن ءسوزدى ەسىنە الىپ، دەرەۋ مەكتەپ قىزمەتكەرلەرىنە ايتتى. سودان قاراتاۋساي مەكتەبىنىڭ ءبىر توپ قىزمەتكەرلەرى – شارۋاشىلىق مەڭگەرۋشىسى گۇلزادا المۇحامبەتوۆا، كىشى تەحنيكالىق قىزمەتكەر رايسا پولۋدا، مۇعالىمدەر اناستاسيا سينەنكو مەن نۇرگۇل وسپانوۆا جانە نيكولاي فۋنت كۇرەك-سايماندارىن الىپ، بۇلاقتى تازارتۋعا باردى.

– ءبىز ەڭ اۋەلى نيكولايدىڭ كورسە­تۋىمەن بۇلاق كوزى بولۋى ءتيىس جەرگە بارىپ، بىرنەشە جەردەن قازىپ كوردىك. ءبىر شۇڭقىرعا كەلگەندە كۇرەگى­مىزدىڭ باسىنا دىمقىل لاي جابىس­تى. سول جەردىڭ جان-جاعىن قولىمىزبەن ارشىپ، تەرەڭدەي قازعاندا سۇپ-سۋىق ءارى بەتى دىمقىلدانعان توپىراق قاباتىنان لاي سۋ شىقتى. سودان جابىلىپ ارشىپ، ءبىز كۇتكەن بۇلاق كوزىنە جەتتىك. سۋ بىرتىندەپ مولايىپ، كوزىن تازارتقان سايىن لاي قاباتى وزگەرىپ، مولدىرلەنە بەردى. سۋ مولايعان سايىن بۇرىنعى ارناسىن تاۋىپ، بورتە وزەنىنە قاراي اعا باستادى. ءبىز دە بۇلاق سۋىن قۋالاي وتىرىپ، ارناسىن دا تازالاي وتتىك. بۇلاق كوزىن قورشاي تاسپەن ءورىپ، بۇرىنعى قالپىنا كەلتىردىك. سۋ قاشاندا ءوز ارناسىن تابادى عوي. جىلعا بوپ اققان بۇلاق سۋىنىڭ سوڭىنان ەرە وتىرىپ، بۇرىنعى ارناسىن تاپتىق. ءسويتىپ بۇلاعىمىز بورتەگە قوسىلدى، – دەيدى گۇلزادا المۇحامبەتوۆا.

بورتە – قاراتاۋساي ەلدى مەكە­نىنىڭ قاق ورتاسىنان اعىپ وتەتىن شاعىن وزەن. اۋىل ادامدارى ءۇشىن تىرشىلىك كوزى. جاعاسىنا بۇزاۋ، قوزى-لاقتار جايىلادى، اۋىل قاز-ۇيرەكتەرى جاز بويى بورتەنىڭ سۋىنان شىقپايدى. الايدا سوڭعى جىلدارى وزەن تارتىلىپ، سۋى لايلانىپ، كەي جەرىندە شالشىققا اينال­دى. اۋىلعا تىرشىلىك بەرىپ تۇر­عان وزەندى قالپىنا كەلتىرۋدىڭ ءبىر امالى – وزەن جاعالاۋلارىنداعى كومى­لىپ قالعان بۇلاق كوزدەرىن اشۋ. ال بورتەنىڭ جاعاسىندا مۇنداي بۇلاقتار كوپ. اۋىل مۇعالىمدەرى وسى بۇلاقتىڭ جان-جاعىن اباتتاندىرىپ، قۇدىق تۇر­عىزىپ، باسىنا ادامدار تىنىعاتىن ورىن­دىقتار قويۋ كەرەكتىگىن ايتادى. بۇل ىسكە اۋىل ادامدارىنىڭ ءبارىنىڭ جۇمىلۋى قاجەت.

 

ەلەنا ونيسكوۆا،

«مارتوك تىنىسى» اۋداندىق گازەتىنىڭ رەداكتورى

 

اقتوبە وبلىسى،

مارتوك اۋدانى

 

سوڭعى جاڭالىقتار

ۇرى الىستان كەلمەپتى

ايماقتار • بۇگىن، 10:15

شاشتان شاحمات تاسىن جونادى

تانىم • بۇگىن، 07:44

ونلاين-سورەدە – ويلى كىتاپتار

رۋحانيات • بۇگىن، 07:42

دارىگەرلەرگە كولىك سىيلادى

وقيعا • بۇگىن، 07:17

سوڭعى پاتسيەنت ۇيىنە قايتتى

قوعام • بۇگىن، 07:05

جامانتاۋدى جوعالتىپ المايىق

رۋحانيات • بۇگىن، 06:50

سەنات دەپۋتاتتارى سايلاندى

سايلاۋ • بۇگىن، 06:48

ادەپتى ادەمى ۇستاز

رۋحانيات • بۇگىن، 06:47

ۇقساس جاڭالىقتار