ەلوردا • 15 شىلدە، 2020

ەلوردا تۇرعىنى ىندەتىنەن ساۋىعىپ، قىز بالانى دۇنيەگە اكەلدى

101 رەت كورسەتىلدى

№1 كوپسالالى اۋرۋحانا دارىگەرلەرىنىڭ قاجىرلى ەڭبەگىنىڭ ارقاسىندا ەكى ەلوردالىق – 39 جاستاعى ايەل مەن ونىڭ جاڭا تۋعان ءسابيىنىڭ ءومىرىن ساقتاپ قالدى. بۇل تۋرالى ەلوردا اكىمدىگىنىڭ رەسمي سايتىنا Egemen.kz سىلتەمە جاساي وتىرىپ حابارلايدى.

24 ماۋسىمدا ەمحانانىڭ اكۋشەرلىك بولىمشەسىندە ۆيرۋستىق پنەۆمونيا (80% زاقىمدانۋ)، ينتوكسيكاتسيا سيندرومى جانە ارتەريالىق گيپەرتەنزيا سالدارىنان تىنىس جەتىسپەۋشىلىگىمەن اۋىر حالدە جۇكتى ايەل كەلىپ ءتۇستى.

"قابىلداۋ كەزىندەگى ايەلدىڭ جۇكتىلىك مەرزىمى 34 اپتا 6 كۇن بولعان. وعان COVID-19-دىڭ اۋىر ءتۇرى، ەكى جاقتى پولەتسەگمەنتتىك پنەۆمونيا، سونداي-اق قالىپتى پرەەكلامپسيا دياگنوزى (جۇكتى ايەلدە جوعارى قان قىسىمىنىڭ بولۋى) قويىلعان بولاتىن"، دەيدى اۋرۋحانا قىزمەتكەرلەرى.

دارىگەرلەر بىردەن-ءبىر دۇرىس شەشىم قابىلداپ، كەسارەۆو تىلىگىن جاسادى. سالماعى 2،3 كەلى بولاتىن شالا تۋىلعان قىز بالا دۇنيەگە كەلدى. نارەستە دەرەۋ رەانيماتسيا بولىمىنە اۋىستىرىلىپ، وعان ينتەنسيۆتى باقىلاۋ مەن ەمدەۋ جۇرگىزىلدى. سونىمەن بىرگە دارىگەرلەر انا ءومىرى ءۇشىن كۇرەستى.

وپەراتسيادان كەيىن ول رەانيماتسيا جانە ينتەنسيۆتى تەراپيا بولىمىنە ورنالاستىرىلىپ، وندا 12 كۇن جاتتى. جەتى كۇن بويى ول وكپەنى جاساندى جەلدەتۋ اپپاراتىمەن تىنىس الدى.

جاعدايى تۇراقتالعاننان كەيىن ەمدەۋ قارقىندى باقىلاۋ پالاتاسىندا جالعاستىرىلدى. دارىگەرلەر مەن مەديتسينا قىزمەتكەرلەرىنىڭ كۇش-جىگەرىنىڭ ارقاسىندا جاسالعان ەمنەن كەيىن انا مەن بالا قاناعاتتانارلىق جاعدايدا ۇيگە شىعارىلدى.

سوڭعى جاڭالىقتار

شىمكەنتتە 5 شاعىناۋدانعا گاز جۇيەسى تارتىلۋدا

وڭتۇستىك قازاقستان • بۇگىن، 16:05

COVID-19: ابدىراعان ارگەنتينا

الەم • بۇگىن، 11:25

ۇقساس جاڭالىقتار