ەلوردا • 15 شىلدە، 2020

ەلوردا ءتارتىپ ساقشىلارى كارانتيندىك شارالاردى قاتاڭداتتى

48 رەت كورسەتىلدى

ءتارتىپ ساقشىلارى بىرقاتار قاتاڭ شەكتەۋ شارالارىن بۇزۋ فاكتىلەرىن انىقتادى. بۇل تۋرالى نۇر-سۇلتان اكىمدىگىنىڭ رەسمي سايتىنا سىلتەمە جاساي وتىرىپ Egemen.kz حابارلايدى.

"پوليتسياعا تۇندە بەلگىسىز بىرەۋلەر سارايشىق كوشەسىندە 50-گە جۋىق ادام جينالعان كەش وتكىزگەنى تۋرالى حابارلاعان. تەكسەرۋ بارىسىندا پوليتسەيلەر 28 جاستاعى قالا تۇرعىنىنىڭ جابىق كەش ۇيىمداستىرعانى انىقتالدى"، دەپ حابارلادى نۇر-سۇلتان قالالىق پوليتسيا دەپارتامەنتىنىڭ ءباسپاسوز قىزمەتى.

جاعدايدى ءتۇسىندىرۋ ءۇشىن ءبارى ەسىل اۋداندىق پوليتسيا باسقارماسىنا جەتكىزىلدى. تەكسەرۋ ناتيجەسى بويىنشا 42 ادام تەمەكى بۇيىمدارى مەن ەلەكتروندى تەمەكىنى قوعامدىق ورىنداردا پايدالانۋعا تىيىم سالۋدى، تىنىشتىقتى بۇزعانى، الكوگول ىشىمدىكتەرىن تۇتىنعانى ءۇشىن، ءبىر ادام – قازاقستاندا تىركەۋسىز نەمەسە جەكە باسىن كۋالاندىراتىن قۇجاتتارسىز تۇرعانى ءۇشىن جاۋاپقا تارتىلدى.

"اتالعان فاكتى بويىنشا تۇسىنىكتەمە بەرگەن كەشتىڭ ۇيىمداستىرۋشىسى پوليتسياعا ءوزىنىڭ بۇرىن سانيتارلىق-ەپيدەميالىق نورمالاردى بۇزعانى ءۇشىن قىزمەتى توقتاتىلعان ەلوردالىق كافەلەردىڭ بىرىندە جۇمىس ىستەگەنىن ءتۇسىندىردى. سوندىقتان ول كوتتەدجدى جالعا الىپ، جابىق كەش وتەتىن ورىننىڭ مەكەن-جايىن الەۋمەتتىك جەلى ارقىلى الدىن-الا حابارلاپ، كەلۋشىلەردى قابىلداعان"، دەدى پوليتسيا قىزمەتكەرلەرى.

تۇرعىنداردىڭ سانيتارلىق-ەپيدەميالىق قاۋىپسىزدىگىن ساقتاۋ تۋرالى زاڭناما تالاپتارىن، سونداي-اق گيگيەنا ستاندارتتارىن بۇزعانى ءۇشىن جالعا الۋشىعا قاتىستى جينالعان ماتەريالدار پروتسەسسۋالدىق شەشىم قابىلداۋعا تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسىنا جىبەرىلدى.

ال پوليتسيا مەن نۇر-سۇلتان اكىمدىگىنىڭ وكىلدەرى 20:00-دەن كەيىن ەلوردانىڭ ويىن-ساۋىق نىساندارىنا بىرلەسكەن رەيد جۇرگىزدى. تەكسەرۋلەر كورسەتكەندەي، قاتاڭ كارانتيندىك شەكتەۋ شارالارى ەنگىزىلگەنىنە قاراماستان، كەيبىر مەكەمەلەر جۇمىسىن جالعاستىرعانى انىقتالدى.

كارانتيننىڭ بۇزىلۋىنىڭ بارلىق فاكتىلەرى بويىنشا ماتەريالدار اتالعان مەكەمەلەردىڭ يەلەرىن جاۋاپقا تارتۋ ءۇشىن تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسىنا تاپسىرىلدى.

نۇر-سۇلتان قالالىق پوليتسيا دەپارتامەنتى ازاماتتاردى قوعامدىق ورىنداردا جاۋاپكەرشىلىك تانىتىپ، سانيتاريا نورمالارىن ساقتاۋعا، سونداي-اق كارانتين شارالارى كەزىندە پوليتسيا قىزمەتكەرلەرىنىڭ تالاپتارىنا تۇسىنىستىك تانىتۋعا شاقىرادى.

ىندەتتىڭ تارالۋىنىڭ الدىن الۋ ماقساتىندا پوليتسيا كارانتين رەجىمىن ساقتاۋ جانە جەكە قورعانىس قۇرالدارىن پايدالانۋ قاجەتى تۋرالى تۇرعىندارمەن پروفيلاكتيكالىق سۇحبات جۇرگىزەدى. مۇنداي اڭگىمەلەسۋلەر ازاماتتاردى ماسكا تاعۋ ءتارتىبىن ساقتاۋعا ماجبۇرلەۋ شارالارىن قولدانۋدان گورى تيىمدىرەك.

سونىمەن قاتار پوليتسيا ويىن-ساۋىق، قوعامدىق تاماقتانۋ ورىندارى، مونشالار، ساۋنالار، اتتراكتسيوندارعا بارىپ، ولاردىڭ يەلەرىنە قولدانىستاعى كارانتين شارالارى تۋرالى ەسكەرتەدى. قۇقىق بۇزۋشىلار قولدانىستاعى زاڭناماعا سايكەس جاۋاپقا تارتىلادى.

سوڭعى جاڭالىقتار

شىمكەنتتە 5 شاعىناۋدانعا گاز جۇيەسى تارتىلۋدا

وڭتۇستىك قازاقستان • بۇگىن، 16:05

COVID-19: ابدىراعان ارگەنتينا

الەم • بۇگىن، 11:25

ۇقساس جاڭالىقتار