ايماقتار • 15 شىلدە، 2020

"مەدسەرۆيس پليۋس": قويمالاردان جىبەرىلەتىن ءدارى-دارمەكەردىڭ كولەمى جەتى ەسەگە ءوستى

9 رەت كورسەتىلدى

پرەپاراتتاردى راسىمدەۋ مەن سەرتيفيكاتتاۋدى جەدەلدەتۋ شارالارى ءىرى جەتكىزۋشىلەرگە شەتەلدەن كەلەتىن ءدارى-دارمەكتەردىڭ كولەمىن ۇلعايتۋعا مۇمكىندىك بەرۋدە، دەپ حابارلايدى Egemen.kz.

"مەدسەرۆيس پليۋس" فارماتسەۆتىك كومپانياسىنىڭ بيزنەستى دامىتۋ جونىندەگى ديرەكتورى سايدا ەردەنبەكوۆا الماتىداعى كوروناۆيرۋس پاندەمياسىنا بايلانىستى قويمالاردىڭ كۇشەيتىلگەن رەجيمدە جۇمىس جاساپ جاتقانىن ايتتى. ول ءوزىنىڭ سوزىندە مەگاپوليس ءدارىحانالارىنا ءدارى-دارمەكتىڭ دەر كەزىندە جەتۋى ءۇشىن قويمانىڭ 80 قىزمەتكەرىنىڭ ايانباي ەڭبەك ەتىپ جاتقانىن تىلگە تيەك ەتتى.

س. ەردەنبەكوۆانىڭ مالىمەتى بويىنشا، سوڭعى ەكى اپتادا ومىرلىك ماڭىزى بار ءدارى-دارمەككە دەگەن سۇرانىس كۇرت ارتقان. بۇرىنعى كەزەڭمەن سالىستىرعاندا، دارىحانالارعا جىبەرىلەتىن پرەپاراتتاردىڭ كولەمى شامامەن جەتى ەسەگە ۇلعايعان. قويمالاردا مەديكامەنتتەردىڭ 12 مىڭ ءتۇرى بار. كومپانيا كۇن سايىن جۇك تيەلگەن جەتى فۋردى قابىلدايدى.

"كۇن سايىن ۇلكەن جۇك كولىكتەرىن، شامامەن 5-7 فۋردى قابىلدايمىز. ولارعا تيەلگەن تاۋارلار قويمالاردا وڭدەلەدى، ارتىنان الماتىنىڭ ءدارىحانالارىنا بولىنەدى. ءبىزدىڭ كومپانيا قالانىڭ 700-800-گە جۋىق ءدارىحانالارىنا قىزمەت كورسەتەدى"، - دەدى س. ەردەنبەكوۆا.

"مەدسەرۆيس پليۋس" كومپانياسىنىڭ قويمالارى 2016 جىلدان باستاپ جۇمىس جاساۋدا. مۇندا اۆستريالىق كونۆەيەر جەلىسى، گراۆيتاتسيالىق ستەللاجدار جانە ەۆروپالىق ءوندىرىس جابدىقتارى قولدانىلادى.

"پاندەميا باستالعالى بەرى ادامدار ايانباي جۇمىس ىستەۋدە. مەگاپوليستىڭ ءدارىحانالارىنا تاۋاردى دەر كەزىندە جەتكىزۋ ءۇشىن قىزمەتكەرلەرىمىز كەيدە ءتۇن جارىمىنا دەيىن قالىپ، جۇمىس ىستەيدى. ءبىز بارلىعىمىز قالادا قانداي كۇردەلى احۋالدىڭ قالىپتاسقانىن جاقسى تۇسىنەمىز. سوندىقتان يگى باستامالاردىڭ يەلەرى – كومپانيا قىزمەتكەرلەرى. قاجەت بولسا ءبىز دە ءتۇن جارىمىنا دەيىن قالامىز"، - دەپ ايتىپ ءوتتى س. ەردەنبەكوۆا.

ول ءوزىنىڭ سوزىندە قالا باسشىلىعىنىڭ سەرتيفيكاتتاردى جەدەل رەسىمدەۋگە، لوگيستيكا مەن جۇكتى تيەۋگە پارمەندى كومەك كورسەتىپ وتىرعانىن اتاپ ءوتتى.

"اكىمدىك تاراپىنان ايرىقشا قولداۋ كورسەتىلۋدە، اسىرەسە ولار جىبەرگەن ۆولونتەرلار جۇكتى ءتۇسىرۋ مەن بولۋگە، تاسىمالداۋعا دەر كەزىندە كومەك كورسەتۋدە. كەدەندىك ورگانداردىڭ جۇمىستارى دا رەتتەلدى. قازىرگى كەزدە شەتەلدەن جەتكىزىلگەن مەدپرەپاراتتار جەدەل وڭدەلۋدە. وتكىر ماسەلەلەر ونلاين شەشىمىن تابۋدا. سونىڭ ارقاسىندا ءبىز قاي دارىحاناعا كومەكتەسۋ كەرەك ەكەنىن،قاي جەردە ىركىلىس ورىن العانىن، اكىمدىكتىڭ قانداي ماسەلەنى شەشەتىنىن ءبىلىپ وتىرامىز.بۇل بارىنشا ىڭعايلى بولۋدا"، - دەدى س. ەردەنبەكوۆا.

ايتا كەتەرلىگى، "مەدسەرۆيس پليۋس" كومپانياسى گۋمانيتارلىق كومەك اياسىندا كەلگەن مەديكامەنتتەردى ءبولۋدىڭ وپەراتورى بولىپ تابىلادى.

"كەشە ددسۇ دەنساۋلىق ساقتاۋ جەلىسى بويىنشا كومەك جەتكىزىلدى. ياعني، 8 فۋر كەلدى، ءبىز قازىر ولاردى قابىلداپ، الماتى قالاسىنا جانە باسقا وڭىرلەرگە بولۋمەن اينالىسىپ جاتىرمىز"، - دەپ اتاپ ءوتتى س. ەردەنبەكوۆا.

بارلىق گۋمانيتارلىق كومەك تەگىن مەديتسينالىق كومەكتىڭ كەپىلدى كولەمى اياسىندا ەمحانالار مەن اۋرۋحانالارعا جىبەرىلەدى. كەلگەن كومەك قازاقستان بويىنشا 14 فيليالعا بولىنەدى.

سوڭعى جاڭالىقتار

قحل كەستەسى جاريالاندى

حوككەي • بۇگىن، 08:16

تايجان مۇراسى توزبايدى

رۋحانيات • بۇگىن، 08:15

95 جاسىندا كۋالىك الدى

وقيعا • بۇگىن، 08:11

جەمقورلار اللەياسى كەرەك پە؟

ساياسات • بۇگىن، 08:03

ەكپەنى وزدەرىنە سالدىردى

قوعام • بۇگىن، 08:00

پاندەميا كەزىندەگى پەرزەنتحانا

مەديتسينا • بۇگىن، 07:57

جاڭا ماۋسىمداعى وزگەرىستەر

فۋتبول • بۇگىن، 07:37

قاتەرلى ماۋسىم

الەم • بۇگىن، 07:26

ۇزدىك 8 كوماندا انىقتالدى

فۋتبول • بۇگىن، 07:20

قۇلقىن ءھام قۇلدىق

قوعام • بۇگىن، 07:15

ءتىلسىز جاۋدىڭ تاقسىرەتى

ايماقتار • بۇگىن، 07:08

تەگىن ءدارى-دارمەك كىمگە تيەسىلى؟

مەديتسينا • بۇگىن، 06:50

شاراپاتى مول «شەت-كومەك»

ەكونوميكا • بۇگىن، 06:39

ەگىنگە وراق ەرتە ءتۇستى

قوعام • بۇگىن، 06:33

جەزقازعانعا گاز جەتكەندە...

ەكونوميكا • بۇگىن، 06:31

«ينتەر» – جارتىلاي فينالدا!

سپورت • بۇگىن، 02:50

ۇقساس جاڭالىقتار