سپورت • 15 شىلدە، 2020

سەمسەرلەسۋدەن 2021 جىلعى الەم بىرىنشىلىگى وتكىزىلمەيدى

13 رەت كورسەتىلدى

حالىقارالىق سەمسەرلەسۋ فەدەراتسياسىنىڭ (FIE) اتقارۋشى كوميتەتى 2021 جىلى مىسىردا وتەتىن الەم بىرىنشىلىگىن توقتاتۋ تۋرالى شەشىم قابىلدادى، دەپ جازادى Egemen.kz FIE ءباسپاسوز قىزمەتىنە سىلتەمە جاساپ.

"2021 جىلى ەرەسەكتەر اراسىنداعى الەم چەمپيوناتىن وتكىزۋ قۇقىعى كايرگە (مىسىر) بەرىلدى. وليمپيادا ويىندارى 2021 جىلعا اۋىستىرىلعاندىقتان، ەرەسەكتەر اراسىنداعى الەم چەمپيوناتى سول جىلى وتكىزىلمەيدى. مىسىردىڭ سەمسەرلەسۋ فەدەراتسياسى 2022 جىلى ەرەسەكتەر اراسىنداعى الەم چەمپيوناتىن ۇيىمداستىرۋعا دايىن ەكەندىگىن جاريالادى"، - دەلىنگەن FIE ءباسپاسوز حابارلاماسىندا.

ەستەرىڭىزگە سالا كەتەيىك، الەم بىرىنشىلىگىنىڭ مىسىردا وتەتىندىگى تۋرالى شەشىم 2019 جىلدىڭ جەلتوقسان ايىندا لوزاننادا وتكەن FIE كونگرەسىندە جاريالانعان بولاتىن.  

سوڭعى جاڭالىقتار

ۇقساس جاڭالىقتار