ايماقتار • 15 شىلدە، 2020

تايىنشا اۋدانىندا كوروناۆيرۋس جۇقتىرعان دارىگەر قايتىس بولدى

625 رەت كورسەتىلدى

سولتۇستىك قازاقستاننىڭ تايىنشا اۋدانىنا اتى جامان ىندەت العاشقىلاردىڭ ءبىرى بولىپ جەتكەن ەدى. اۋداندار اراسىندا العاشقى كارانتين دە وسىندا جاريالانعان.

سول كۇندەردەن اۋداندىق اۋرۋحانانىڭ اق حالاتتى ابزال جاندارى جامان ىندەتپەن الىسۋدا بولدى. العاشقى كەزەڭدە ولار اۋرۋدى قۇرىقتاپ تا ۇلگەردى. وسى كۇرەستىڭ باسىندا جۇرگەندەردىڭ ءبىرى اۋداندىق كوپسالالى اۋرۋحانانىڭ تەراپەۆت دارىگەرى لاريسا سليۆكينا بولعان ەدى. 24 جىلدىق تاجىريبەسى بار دارىگەردىڭ جاسى نەبارى 48 ەدى.

ىندەتپەن الىسىپ ءجۇرىپ، ول وزىنە دە جۇقتىرىپ العان ەكەن، كەشە ول دا قايتىس بولدى. دارىگەردىڭ ارتىندا ەكى ۇلى قالدى. "ءبىز لاريسانى مەيىرىمدى جان رەتىندە عانا بىلدىك. ول جۇرتقا ارقاشان كومەك قولىن سوزعىسى كەلىپ تۇراتىن. ءوزى دە ماماندىعىن جاقسى مەڭگەرگەن مامان ەدى"، دەپ ەسكە الادى ارىپتەستەرىنىڭ ءبىرى ن.گليۆينسكايا.

سوڭعى جاڭالىقتار

ۇقساس جاڭالىقتار